فستان
فستان أحمر
لونه بلون الدم
لونه بلون الورد الجوري
وما تسالشي ابدا عن دوري
في المشهد اللي هتشوفه الآن
أنا ابقى الشوك
..اللي حوالين الأغصان
وما نيش المية التي تندّي
.. في الصبح العطشان
***
فستان أحمر
وخجل ع الخد رقيق
مستعجل ليه يا زمن ، خليك انسان
استنى لما اتملّى في ملامحها
الوردة أو البنت
الذكرى أو الكلمة الحلوة
اللي أنا بيها آمنت
***
فستان لوّن يومي
وعرّي خيابتي
اقدر اقول ان ده آخر لحن
في ربابتي
أو آخر خيط في الفستان
