أضغط هنا وأنضم الي الفريق الان

اناعايش وحدتى
وسكوتى سكتى
أحلم
وحلمى سكوت
والغنوة من غير صوت
تايه فى دايرة موت
ولا لاقى
سكتى ........

رافض أعيش مكسور
فـ الدايرة أكون محصور
الشك
يصبح سور
على مين هايجى الدور
خايف أموت مغدور
وتخونى دنيتى
.........

فينك يا غالية عليا
سايبانى وسط النار
والضلمة
ساكنة فيا
امتى تكونى نهار......

ونعيش سوا بلا خوف
ننسى
الآلم ونشوف
بكرة بلون وردى
معنى الحياة عندى .....

يادايرة
الآحزان
كفاية بقى حرمان
وهتبدأ قصتى
هتبدأ سكتى
هتبدأ
دنيتى ......