اتعبتنـي عيـونـي قــدّ مـاهـي بصـيـره
واتعبتـهـا يديـنـي قــدّ مـاهـي جـفـول
قلت : "خيره".. ولكن وينهـا و ويـن خيـره؟!
لا عيـونـي تـكـفّ.. ولا يديـنـي تـنــول
هيه.. وين انت يا للي كـن مـا فيـه غيـره؟!
يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشـيـره
واثـر مـا كــل زولٍ ينتـعـوّض ب (زول)
جيـت نـاسٍ تـزوّد حيـرة القـلـب حـيـره
قلـت : "اطيـع الزمـان وكـل شـدّه تـزول"
قالوا : "العمر يكبـر".. قلـت : "كذبـه كبيـره
عمر الانسـان يصغـر كـل مـا هـو يطـول"
-
