اي اموري نجي هسه لردك
1- ترقية المرشحين الى الاشراف
عندك الناصري فعلا يستحق بس مستشار الحكومه ما اله غير ايام ننطي الوسام و ترقيته تتاجل للتقيم الجاي
للمعلومه ماعرف فهمت فكره وسام الرتبه او لا
وسام الرتبه نصف طريق الترقيه
و من يترقى نحذف الوسام منه لما يستحق يحصله بالرتبه الجديده
2- احنا بحاجة الى مبدعين اكثر
فعلا وياك بهاي و رح احاول اجيب مبدعين قدر المستطاع
3- فريق الدردشة لا نحتاجه كثيرا فمن الاشراف العام الى الادارة يملكون صلاحية الدردشة وما عليها زخم اساسا
صحيح كلامك كل الصحه لذلك اني مرح اخلي فريق الدردشه حاليا بطور الترقيات الا لمن يكون اكو زخم و فعلا يصير الهم عمل جدي ياهلهم انو يترقون
يعني هسه مجرد اكو شخص يكون متواجد اني حاط هذا الفريق مجرد لجذب الانتباه حته الاعضاء تدخل لان جربنا الغيناه صار الاقبال عالدردشه معدوم تماما
4- بحاجة الى مشرف عام يشترط به النشاط بدون ردود عشوائيه متابعه مهام المشرفين حسن السلوك وجدي بالعمل ولا ينظر للترقيات ينظر للاداء
و هو هذا الديصير هسه دتصير غربله للكل للمعلومه امير اكو فد شي محد يعرفه انه النظام الحالي بالترقيات و التنزيل و السحب مرح يستمر تره
مجرد ماردنا ننزل الاشخاص بيوم و ليله او نصعد اشخاص بيوم و ليله ردناها يثبتون روحهم و لمن يثبت النصاب وكلمن يصير بمكانه الطبيعي
ينلغي هذا نظام الترقيات و السحب بتقيم او تقيمين وراها يصير الشغل مضبوط هاي جانت الفكره الرئيسيه بالموضوع
اما شغله انه يترك الردود العشوائيه فاكو مواضيع عامه مستحيل هاي تكدر تمنع احد انه يرد عليها رد عابر
تحجي وياه يكلك شرد يعني هو هذا الرد اللي اكدر استخدمه
5- الغاء رتبة رئاسة الابداع ومن فيها الان اما يتحول اشراف عام ابداع او ينزل للابداع وانا افضل الاخيرة لان الاداء جدا عادي مقارنة بالمبدعين مع ان لا توجد زخخم في الطلبات ولا مهام كثيرة حتى نحتاج رئاسة او اشراف على الابداع لان الادارة العليا وادارة المنتدى تكفي بتولي المهام الان
انو اوصله مشرف عام وهو نشاطه ميسمح هاي مستحيله حتلو ابقه سنه بدون مشرف عام ابداع
اني اصلا هذا رجعته لرئاسه الابداع و اني ممقتنع و المبدع لوياه اشوف تصاميمه احلى و انشط منه لذلك نعامل وياه حسب تقيماته اذا متساعد ميصعد
يعني نشوف تقيمه و نحكم اما فكره الغاء الرتبه يا امير بربك اذا لغيناها و صار فريق ابداع واحد و نشيط و صدك يستاهل ترقيه شون اوصله راسا مشرف عام غير بالاول اصعده رئيس فريق و اذا من يستحق الترقيه فتحت المجموعه من جديد رح يكول دتحاربوني و فتحتوها اني استحق مشرف عام
لذلك اني ضد الغاء اي مجموعه
6- تعميم وتبليغ الكل من الفريق وبضمنهم نحن ان من يصبح بالفريق لا ينظر للترقيات يكفي ان يكون من ضمن الفريق وهو يملك كل الصلاحيات وكل ما يحتاجه نوفره له
هالنقطه موجوده ك قانون اساسي و قبل فتره نشرناه بس هاي لا حياه لمن تنادي امير خنكون صريحين اغلب الموجودين يدور انو يشتغل حته يصعد و اذا تريد تقنعني بغير هالشي فمستحيل تخيل انت هسه دخل الفريق و تبقى تنشط و تساهم و تشوف غيرك صعد لو اصلا فتره طويله و بنفس الرتبه
شتتصرف؟
اولا تقليل عدد المجموعات لتصبح ( ادارة , مراقب , مشرف عام , فريق اشراف, فريق ابداع , فريق دردشة , مجموعة المرشحين وتكون مخفية )
وبذلك تتخلص من طلب الترقية يعني الادارة متتغير الا لظروف قاهره
بالنسبة للمراقب تشمل هذه الرتبة من يستحق ان يكون بها ومهامه متابعة الفريق ككل يعني صلاحيات الادارة العليا حاليا ويجب ان يكون مستمر في العمل يعني ليس منذ 3 اشهر او الى ذلك بالفريق وتخليه بهذه المجموعة لان هذا يضمن لك وجود وثباتيه بالعمل وليس تغير مستمر
بالنسبة للاشراف العام يكون بها كحد اعلى 4 مشرفين وايضا يتم اختيارهم من قبلكم ويشترط ان يستمر بالعمل لفترة لا تقل عن سنه وبعمل مستمر وجدي
وبالنسبة لبقية المجموعات من يحب ان يعمل بها فاهلا وسهلا ومن استمر بها وبنفس النشاط وجدية العمل فكان الاحق والاولى عندما تتيح مجال في المجموعات الاعلى ان يكون هو الشخص المناسب
بخصوص المجموعات حته ابشرك
فارس مانع اي تغير الهن
سابقا سوينا المجموعات مثل متكول طبعا مجنت موجود اني بفتره جان عاشق مجروح لازم المنتدى لغى المجموعات الحاليه و غيرهن
الفريق كله طفر سوه نفس نظامك بالضبط و تكدر تراجع الارشيف حته تتاكد بحذافير التكوله سواه الفريق طفر و النشاط قل لان الفريق هو اليسوي النشاط مو الاعضاء مثل قبل
و ازيدك من الشعر بيت سابقا اني هم غيرت المجموعات و قللت
بالشغلتين اجه فارس منع اي تغير بالمجموعات يعني هالشغله انساها مستحيل يوافق ع هيج تغير يعني نظام العمل ميقبل يغيره و حقه لان هذا اكثر نظام شفنا بي نجاح و بقه الفريق مستمر عليه
وطبعا اذا اردتم تحفيز الفريق فتقدر عن طريق الاعتمادات او اعطاء الفريق امور مميزه مثلا تصميم اعلان له في المنتدى مجانا او تصميم استايل احترافي له مجانا والى ما ذلك
وانا اتعهد عند العمل بهذه الطريقة سيكون افضل للتفرغ الى المنتدى وتنشيطه والتخلص من مشاكل التقييم والترقيات ... الخ
بخصوص سالفه تحفيز فاكو اعتمادات واكو مسابقات و هسه طرحت لفارس طريقه اضافيه للي ميستفاد من الاعتمادات حته يحصلون مكافئاتهم غير شي و دانتظر موافقته حته نشتغل بيها
امير تره المنتدى ديتطور انت ماشفته شون مات
تدخل تلكه خمس اعضاء متواجدين خلال 127 ساعه و فريق ماكو احد يقبل يجي
هسه نعمه من الله و يوم عن يوم ديتحسن
ليش دترفض هالطريقه الحاليه مداعرف
