ابوي ما جا (1)
أبوي ما غاب
أبوي تيراب
وفي طين الألم مدفون
يقين منصاعة لية ظنون
حواس تتحامى بيها شجون
أبوي يا ناس قلب محزون
أبوي عدمان من الحقد
الملا الساحات
وغنيان من قناعة الروح
كمان شايلة الفضايل
ذاتا منو صفات
أبوي جرح
مجسد في وريد زمني
جرح بتنفس الأحلام
ويقتات الصبر لقمات
تقيم صلب الأمل قبال
يلاقية بالتجلد مات
أبوي قرر يسلم نفسو للغربة
عشان يادابنا لسة صغار
ومحتاجين قروش الحصة والكراس
وحق الرحلة يايابا
وقروش الكسوة في الأعياد
وداك دايرلو عيد ميلاد
وأمي المارقة عصرية
تدورلها ذاتا يابا قروش
تواجب بيها خالتي سعاد
ولابتقدر تفكر يوم
نعيش بالحسرة من دون زاد
وإت فينا الملح والزاد
حمولك يابا جد كترت
وقصر ساعد الايراد
حملت مواجعك القاسيات
علي قلبك
ودعتنا يابا لي الله
ودعناك نحن الغربة الملانة سواد
ويبكي أخوي من بعدك
يقول لي أمي وينو أبوي
أبوي ما جا...
تقولو أسكت
أبوك ما غاب هو أصلا
شان يكون ما جا
وأردد بي وراها أنا
وأقول ماغاب
وكتين يطوي داخلي الشوق
أكوسك في سما الأطفال
عيون تربال مسك طوريتو
شان يزرع
ومن ذاك الجبين ينصب عرق هطال
ويسقيها الأراضي البور
وأكوسك في بريق عين أمي
لما تقوم من النباه
تصلي وتدعي ليك بالخير
ويبعد عن خطاك الجور
فيا طمبور نقر في داخلي دون أوتار
ويا اصرار نتف ريش انهزام الروح
ويا تيار حمل في جوفو جيش الموج
ويا سفرا بلا أسفار
ويانطفة في حشا الأقدار
ولما تكون معاي الوحدة في دمي
بلاقيك إنت لي سمار
وخطو حقيقة تطوي الزور
وتتشابك مع الأفراح
وتكسر خاطر الأنات
وهو العدمان من الحقد الملا الساعات
وهو الضحكات علي وش الهموم بالذات
وماهو بقول أنا السويت
أبوي دوبيت
على لسان الزمن مسرود
وهو الرقعات علي توب الهنا المقدود
وياريت يابا تاني تعود
عشان تفتح شبابيك المنى المسدود
وشان ترتاح من التعب الغشاك سنين
وكان بي صحبتك موعود
وياريتك تصحي الكان
زمان قبال فرحنا يفوت
وتنسج من قصيد الألفة والحنية
يابا بيوت
تدنقر شان تلم إيديك
عناقيد الهوى المحتوت
وتكشف عن ستار الروح
عشان نقدر نشوف جواك
تمثال الصبر منحوت
وكت يوقد لهيب الشوق
أكوس للذكرى في الهبوت
وألم نفسي وأغ*-تم الحذف. كلمة غير محترمة لا يسمح بها في هذا المنتدى-*
وأحسك يابا فيني القوت
وكت حاولت جد وصفك
فشل تعبير بنات القول
وغاب وحي الحرف عني
ووقف صوت الكلام مشلول
وحسيت بي أمرإحساس
شعور الحاكم المعزول
وإحساس الشمس بالليل
وكت يحضن شروقا أفول
دروب يطويها شوف الروح
وماتعرف خطاه وصول
نجيمات كايسة ليها دليل
ندا الدهشة الغشاه زهول
سؤال...باأبويَ
من إرهاصاً إتملك خيالو فضول
هل إنت الطيف
وسط هم الحروف بتمر بلا تدوين؟
ولا النيل اللي في وش العطش مسلول؟
أبوي يا نور نزل مطرات
علي ارض العتامة سِراج
ودوزن كل حياتي هطول
وإتعتر سكوتي كمان
عشان صمت الجوارح قول
أبوي مــــــــــــــــــا جا
أبوي ما غاب
أبوي تيراب
وفي طين الألم مدفون
يقين منصاعة لية ظنون
حواس تتحامى بيها شجون
أبوي يا ناس قلب محزون
أبوي عدمان من الحقد
الملا الساحات
وغنيان من قناعة الروح
كمان شايلة الفضايل
ذاتا منو صفات
أبوي جرح
مجسد في وريد زمني
جرح بتنفس الأحلام
ويقتات الصبر لقمات
تقيم صلب الأمل قبال
يلاقية بالتجلد مات
أبوي قرر يسلم نفسو للغربة
عشان يادابنا لسة صغار
ومحتاجين قروش الحصة والكراس
وحق الرحلة يايابا
وقروش الكسوة في الأعياد
وداك دايرلو عيد ميلاد
وأمي المارقة عصرية
تدورلها ذاتا يابا قروش
تواجب بيها خالتي سعاد
ولابتقدر تفكر يوم
نعيش بالحسرة من دون زاد
وإت فينا الملح والزاد
حمولك يابا جد كترت
وقصر ساعد الايراد
حملت مواجعك القاسيات
علي قلبك
ودعتنا يابا لي الله
ودعناك نحن الغربة الملانة سواد
ويبكي أخوي من بعدك
يقول لي أمي وينو أبوي
أبوي ما جا...
تقولو أسكت
أبوك ما غاب هو أصلا
شان يكون ما جا
وأردد بي وراها أنا
وأقول ماغاب
وكتين يطوي داخلي الشوق
أكوسك في سما الأطفال
عيون تربال مسك طوريتو
شان يزرع
ومن ذاك الجبين ينصب عرق هطال
ويسقيها الأراضي البور
وأكوسك في بريق عين أمي
لما تقوم من النباه
تصلي وتدعي ليك بالخير
ويبعد عن خطاك الجور
فيا طمبور نقر في داخلي دون أوتار
ويا اصرار نتف ريش انهزام الروح
ويا تيار حمل في جوفو جيش الموج
ويا سفرا بلا أسفار
ويانطفة في حشا الأقدار
ولما تكون معاي الوحدة في دمي
بلاقيك إنت لي سمار
وخطو حقيقة تطوي الزور
وتتشابك مع الأفراح
وتكسر خاطر الأنات
وهو العدمان من الحقد الملا الساعات
وهو الضحكات علي وش الهموم بالذات
وماهو بقول أنا السويت
أبوي دوبيت
على لسان الزمن مسرود
وهو الرقعات علي توب الهنا المقدود
وياريت يابا تاني تعود
عشان تفتح شبابيك المنى المسدود
وشان ترتاح من التعب الغشاك سنين
وكان بي صحبتك موعود
وياريتك تصحي الكان
زمان قبال فرحنا يفوت
وتنسج من قصيد الألفة والحنية
يابا بيوت
تدنقر شان تلم إيديك
عناقيد الهوى المحتوت
وتكشف عن ستار الروح
عشان نقدر نشوف جواك
تمثال الصبر منحوت
وكت يوقد لهيب الشوق
أكوس للذكرى في الهبوت
وألم نفسي وأغ*-تم الحذف. كلمة غير محترمة لا يسمح بها في هذا المنتدى-*
وأحسك يابا فيني القوت
وكت حاولت جد وصفك
فشل تعبير بنات القول
وغاب وحي الحرف عني
ووقف صوت الكلام مشلول
وحسيت بي أمرإحساس
شعور الحاكم المعزول
وإحساس الشمس بالليل
وكت يحضن شروقا أفول
دروب يطويها شوف الروح
وماتعرف خطاه وصول
نجيمات كايسة ليها دليل
ندا الدهشة الغشاه زهول
سؤال...باأبويَ
من إرهاصاً إتملك خيالو فضول
هل إنت الطيف
وسط هم الحروف بتمر بلا تدوين؟
ولا النيل اللي في وش العطش مسلول؟
أبوي يا نور نزل مطرات
علي ارض العتامة سِراج
ودوزن كل حياتي هطول
وإتعتر سكوتي كمان
عشان صمت الجوارح قول
أبوي مــــــــــــــــــا جا
. 
