مكتوب في سكة القدر الرهيب.. امسح مدامع الهم وراك
وامسح الخطوة البتجرح .. فيها تنزف من دماك
واتنفس النفس البضيرك ..واديك هوايا بدل هواك
ماأصلو حال الأم شقى .. باكر تعرفو مع جناك
**
وانا ياجناي ظالماك معاي.. غير الرغيف ماعندي شي
شقيانة في سكة عدم .. تعيت رجولي من المشي
عشمانة لي كلمة وفا.. في جوف نفوس مابتختشي
خايفاك تطمع في القروش..تسرق.. وتنهب ..وترتشي
خايفاك تمل باقي الصبر.. باكر يقولوا جانيا ضاع ..بي سرعة قومي وفتشي
اتحسر الدمعات وراك..واخسر وراك انا كل شي
وانا ياجناي ظالماك معاي.. غير الرغيف ماعندي شي
**
ياوليدي عاين لي تحت ..يكفيك تحس انك معاي
شوف المكسر واليتيم.. باكر بتعرف كيف جزاي
شوف الملامح كيف بقت ..مرهونة بي عمري وشقاي
جوايا جوع مات من زمن .. شان انت تشبع بي عشاي
وانا ياجناي مادايرة شي .. غير ان تتحمل معاي
وانا ياجناي مادايرة شي .. غير ان تتحمل معاي
وامسح الخطوة البتجرح .. فيها تنزف من دماك
واتنفس النفس البضيرك ..واديك هوايا بدل هواك
ماأصلو حال الأم شقى .. باكر تعرفو مع جناك
**
وانا ياجناي ظالماك معاي.. غير الرغيف ماعندي شي
شقيانة في سكة عدم .. تعيت رجولي من المشي
عشمانة لي كلمة وفا.. في جوف نفوس مابتختشي
خايفاك تطمع في القروش..تسرق.. وتنهب ..وترتشي
خايفاك تمل باقي الصبر.. باكر يقولوا جانيا ضاع ..بي سرعة قومي وفتشي
اتحسر الدمعات وراك..واخسر وراك انا كل شي
وانا ياجناي ظالماك معاي.. غير الرغيف ماعندي شي
**
ياوليدي عاين لي تحت ..يكفيك تحس انك معاي
شوف المكسر واليتيم.. باكر بتعرف كيف جزاي
شوف الملامح كيف بقت ..مرهونة بي عمري وشقاي
جوايا جوع مات من زمن .. شان انت تشبع بي عشاي
وانا ياجناي مادايرة شي .. غير ان تتحمل معاي
وانا ياجناي مادايرة شي .. غير ان تتحمل معاي
. 
