سؤال الليل
مـن يـوم غبـت مـن عيونك راح نـور السعــادة وغـاب
ضلمَّة حياتي من غيــرك حياتي أسى وجحيــم وعذاب
سماي الكــان معــاك صافي.ـ.ما ضلاهــو قمرو سحاب
شايفــو الليلة عكران .. توبــو من عتـمة غيــوم وضباب
لا نـجمــــات يـضــوِّن فيهــــــو يندلِّـــن يـجنَّـــي قُــراب
ولا قمراً مِتِــلْ محيــاكي ألهــــم شعــري سافــر وجـاب
تراهــو الليــل صِبح ساعــات بقن لي الزكريات محراب
أقَضيهــن معــاك سرحان .. هنـــاك في دنيت الأحبــاب
يطـول بي الليــل وسهري يطـول والنــوم فارق الأهـداب
رايـــح جايي .. حايــر فكري بالجــن والهمـــوم إنصـاب
سألتــو وقـــتلو يا هــا الليـــل .. يالممسوخ بقيتــا خراب
ياهـــو المن زمـــان بتجينــا .. واللهْ ظهـر جـديد يـا داب
زمــن كنــا بنناديلك .... وكــت ضــو الشمس راح غـاب
ونسافر فيــك أنا وزولي .. ضلامك لي اليشوفنـا حجاب
حايمين في دهاليــزك .. نفوت من بـــاب وندخــــل باب
أنــا وحُبـي ونجيماتــك جمعنــا الريــــد بقينـــا أصحــاب
وإنت تهِـــب نسيماتـك تفــوح شايــلي العطـــور أطيــاب
تغنـيلنـــا ونغنـي معـــــاك .. لحنــــك هـدهـد الأعصـاب
ونقـــولك يــالله بينــا إمتــد....يا دوب القعـــاد فيك طاب
و تـروح يـــا الليــــل تخلينــا ضلامـــك في دقــايـق ذاب
كأنــك لا بقيـت لا جيـــت ولا في الساعة لــــيك حساب
إتغيــرت ليــه يـــا ليلي ..بس قــول ليْ شنــــو الأسباب
إنت معـــا الصبـــاح زعــلان وبيـناتكم خصـــام وعتـاب
واللهْ تكــون غريـب زي حـالتي واللتنـين بقينـــا أغـراب
والله عشاني أنت حزين .. عشان حظي الخزلني وخاب
قول يــا ليـــلي قول ريِّحـني .. قـــول ألحقني بالجـــواب
كِرَهت رقــادي.. ملِّيت فرشي . زي شـوك قدَّد الأجناب
يـــاما زرعت من آمــــال.. وضاعت فـي النهـاية سراب
يـا مــا دعيــت وإتمنيــت .. يــا ريت لـــو دعــايا مجـاب
عجلات الزمن تسرع بيْ لي الفي بعــدو راسي أنا شاب
م/ن
. 
