السلام عليكم .. اهل المنتدى الكرام .. انا عضوه هنا تقريبا من يجي 3 سنين او 4 مش فاكره تحديدا امتي .. بس انا فكره ان ف الفتره دي ( بالرغم ان مدخلتش المنتدي بقالي فتره طويله جدا) الا اني عايزه اوصل رساله لناس عرفتها هنا و عرفتها من هنا .. ناس فضلوا فتره في حياتي وانتهت .. ومعتقدش انها هترجع تاني الفتره دي .. ما علينا من كل ده .. انا اول ما دخلت هنا كنت صغيره حرفيا كنت صغيره .. لسه طالبه في ثانوي .. مغمضه عن حاجات كتير اوي .. و دخلت العالم بتاعكوا ده .. عالم المنتديات الكبير .. كان وقتها الشات هنا مش بتفضى اصلا .. من هنا اتعرفت ع نقطة التغير الشامل في حياتي .. عرفت ناس كتير جدا جدا فيهم اللي بقى اصحابي قوي ومنهم اللي كانوا جزء لا يتجزأ من حياتي .. بس مع مرور الزمن الموضوع مبقاش كدا خالص .. الناس اللي كانوا اصحابي قوي اختفوا تدريجيا ورا بعض .. الناس اللي كنت بحبهم اوي و كانوا جزء لا يتجزأ من حياتي ورا بعض اختفوا .. مع كل اختفاء من الصحاب و الناس دي كلها كان في وجع و الم .. ومع كل وجع والم من دول .. كان يتتخلق انسانه جديده جوايا .. انسانه تانيه خالص .. مرت بما يكفي من الوجع عشان تتغير وتكون اقوى وتعرف تعيش ف العالم ده .. كمل عليا بالوجع ده نتيجه الثانويه العامه اللي كانت صدمه بجد بالنسبه ليا (الحمد لله علي كل حال ) بس عشان ربنا كريم وكريم قوي كمان عوضني خير .. بس قبل ما ادرك كدا عشت حاله من العذله والتعب والارهاق النفسي الشديد .. انا خسرت كل حاجه اصحابي واحبابي وكمان المستقبل اللي كنت مخططاله بشكل معين .. مكنش سهل عليا ان اقوم منها تاني واقف علي رجلي مع كم الهموم دي .. بس في حاجه الصدمات المتتاليه اللي قبل الثانويه العامه اللي شوفتها هنا .. تقريبا كانت ممهداني نفسيا ان استحمل باقي الوجع ده .. في النهايه وبعد طول كلام .. انا داخله اشكر كل حد عرفته هنا .. كل حد كان سبب ان يخلق جوايا واحده تانيه .. كل شخص بعد فجأه وبدون مبررات .. كل شخص تعبني ووجعني نفسيا .. بجد شكرا ليكوا كلكوا .. انا لولا اللي انتوا عملتوه في حياتي انا كنت دلوقتي انسانه ضعيفه حرفيا .. كل وجع وكل ألم اتألمته بسبب بعدكوا .. كان بيكون واحده جديده جوايا .. يوم 21/3 (يوم عيد الام) هكمل سنتين بالظبط منفصله عن اهم شخصية عرفتها هنا .. لو الشخصيه دي هتشوف كلامي .. عايزه بس اقولها انا نسيت ^^ ومش ناويه افتكر حاجه تاني تخصك .. سنتين بالظبط عدوا وعشان اوصل ان اكتب الكلمتين دول وانا فعلا عادي جدا وحاسه ان مش مفتقده كل حاجه .. مكنش سهل ابدا
في النهايه اتمنالكم كلكم انكوا تكونوا بخير دلوقتي ومن قلبي بتمنى ده
السلام عليكم واسفه اني طولت عليكم
في النهايه اتمنالكم كلكم انكوا تكونوا بخير دلوقتي ومن قلبي بتمنى ده
السلام عليكم واسفه اني طولت عليكم
