برجاكي!!!!!
نشفتي ريق الغيم خليتي أرضي تبور
لا لاح نسيمو هواك لا برقو ولد نور
لا نقنقت مطرة ولا فار وراك تنور
ولا يوم جبر طلك خاطر النوا المكسور
وأفكاري حالن حال ساقية جحا البتدور........
راجيكي دون ميعادشايل الحنين والشوق
زادي الصبر والزاد بي مررو يود مشروق
والنار بلا وقاد قايدة الحشا المحروق
و الفرقة ما بتنراد و لقاك بات ممحوق
أمسك مشى وما عاد باكرك صبح مسروق
وأحلامي بعدك عادشرريتا فوق السوق.......
(والطابق المستور)
وفتحت بالآمال والخاطر المغبون في الناصية طبلية
مليانة ريد وجنون بي القدرة مبنية
راس مالا بكرة يكون مفتوحة بالنية
لا عرفت المليون لا وردت مية
وأنا حارسا ومديون......
(يا شمس رغم الزور )
مترقب الآمال رغم الحق المبيوع
فتران من الترحال صبح البدن موجوع
رغم البعاد الطال رغم العطش والجوع
والباطل اللا زال والمافي والممنوع
كذبت يوما قال حبل العشم مقطوع
مقطوع لسان الحال .......
(دياني ما مشكور)
شكار رواكيبك فوق الخريف الفات شكر زماني الآت
راجيكي كلمة حن غنايا طول مات
لا خيرا في الوقفن لا الجفلن سمحات
وايامي بي قيدن يتمحركن راعيات
بي حيلي جت عصفن...
(أفكاري لافة تثور)
حوامة بالفطرة فاتت كلاب الحر
سعرانة فد مرة وما فارزة قولة جر
مخنوقة بالعبرة وساقياهو ريدي المر
جريتو توب بكرة جبدتو من الجر
علقتو في الذكرى وصريتو ريدك صر
فدرتها السكرة كان ترضى تتودر
وصحيت علي فكرة.......
(أرجاكي رغم الجور''''''''ومحال سواكي أدور)
نشفتي ريق الغيم خليتي أرضي تبور
لا لاح نسيمو هواك لا برقو ولد نور
لا نقنقت مطرة ولا فار وراك تنور
ولا يوم جبر طلك خاطر النوا المكسور
وأفكاري حالن حال ساقية جحا البتدور........
راجيكي دون ميعادشايل الحنين والشوق
زادي الصبر والزاد بي مررو يود مشروق
والنار بلا وقاد قايدة الحشا المحروق
و الفرقة ما بتنراد و لقاك بات ممحوق
أمسك مشى وما عاد باكرك صبح مسروق
وأحلامي بعدك عادشرريتا فوق السوق.......
(والطابق المستور)
وفتحت بالآمال والخاطر المغبون في الناصية طبلية
مليانة ريد وجنون بي القدرة مبنية
راس مالا بكرة يكون مفتوحة بالنية
لا عرفت المليون لا وردت مية
وأنا حارسا ومديون......
(يا شمس رغم الزور )
مترقب الآمال رغم الحق المبيوع
فتران من الترحال صبح البدن موجوع
رغم البعاد الطال رغم العطش والجوع
والباطل اللا زال والمافي والممنوع
كذبت يوما قال حبل العشم مقطوع
مقطوع لسان الحال .......
(دياني ما مشكور)
شكار رواكيبك فوق الخريف الفات شكر زماني الآت
راجيكي كلمة حن غنايا طول مات
لا خيرا في الوقفن لا الجفلن سمحات
وايامي بي قيدن يتمحركن راعيات
بي حيلي جت عصفن...
(أفكاري لافة تثور)
حوامة بالفطرة فاتت كلاب الحر
سعرانة فد مرة وما فارزة قولة جر
مخنوقة بالعبرة وساقياهو ريدي المر
جريتو توب بكرة جبدتو من الجر
علقتو في الذكرى وصريتو ريدك صر
فدرتها السكرة كان ترضى تتودر
وصحيت علي فكرة.......
(أرجاكي رغم الجور''''''''ومحال سواكي أدور)
. 
