أحـمـد الله يــوم تقـصـر عنـوتـي
مـن دروب ٍ سنّهـا تـرف الــدلال
أخلـف المقصـود وأخلـف هقوتـي
يـوم ورّدهــا مـيـال ٍ فــي عــدال
مـا درى إن فعلـي موافـق كلمتـي
وكلمـة الوافيـن مــا فيـهـا جــدال
يـظـهـر الله ذمـتــه مـــن ذمـتــي
دامهـا مـا بيـن قـيـل وبـيـن قــال
مـا تعـوّدنـا عـلـى الـلـي واللـتـي
ومـا دمجناهـا حـرام ٍ فـي حــلال
حـافـظ ٍ قــدري وحـافـظ شيمـتـي
والجـزالـه مــا يخالطـهـا هـــزال
عن ثرى الزلات شامـت خطوتـي
والثوابـت مـا عليهـا اي إحتـمـال
و شرهتي بالقلب ما أبدي شرهتي
يـا زمـان ٍ صـار فيـك الإخـتـلال
شبـت بـي حتـى لعبـت بـحسبـتـي
و ذقت طعم الحنظله عقب الزلال
لو صدقت أحيـان تخلـف نظرتـي
و لو حلمـت يصيـر تاليهـا خيـال
و الولـيـف الـلـي تصـيّـد زلـتــي
عشرتـه تلعـب بهـا ســود اللـيـال
حسنتـي مــا سـدّتـه عــن سيّـتـي
والجواب يجيك من جنس السـؤال
والـردي لـو هـو سكـن فـي فيّتـي
تالي المعروف يرجـع فـي خمـال
والمقـفّـي مـــا عطـيـتـه دمـعـتـي
جعـل تقفـاه الهبايـب مــن شـمـال
لا ولــد عـمـي ولا مــن لابـتــي
معرفـة دنـيـا و نلـقـى لــه بــدال
