يشوش راسي وأفتخر غصب عني
وشلون ما أفخر والفخر حق مشروع


لاقلت خولان يرجف الكون مني
خولان ربعي يعني الراس مرفوع


ولاقلت ربعي ياعرب صرت كني
بين السماء والغيم موقد لي شموع


وكن الكواكب والقمر حوطني
وبصوت واحد قال ن بصوت مسموع


عيال خولان عزوتك أنت يعني
رجل ن ورثت العز والعز متبوع


عيال خولان ذكرهم بس يغني
قم أفتخر دام الفخر منك مرجوع


قلت الله الله مابها شك أني
أفخر وأشوش بعزوتي جمع وجموع


كن الفخر ثوباً على قد متني
وحب القبيله داخل القلب مزروع


خولان حنا مجدنا فوقنا مبني
وفي كل ديره مجدنا صار مصنوع


تاريخنا مع لمعة سهيل معني
وننافسه في منزله فوق بسطوع


حنا نروم المجد والمجد يدني
نتعب عليه ونفعله دون مطموع


صغيرنا من طيبه الطيب محني
يربى عليه و وارثه فعل وطبوع


ياما عطينا والعطا دون منّي
نعطي ولانرجي من الناس منفوع


ومن هو نخانا بنخوته مايثني
يبشر بعزه وأكبر الهم مدفوع


ويازين ربعي وذكرهم لادهمني
لاصرت أسولف عن تواريخ وربوع


حتى حروفي كنها تقول زدني
سجل بنا من سيرة العز موضوع


سيرة وفا طيب وعطا تختصرني
أفخر بها وأشمخ بها فوق بطلوع


أي والله أفخر وأفتخر غصب لأني
مهرة ورثت العز والراس مرفوع


وهذا شعوري وأنكتب غصب عني
بأبيات شعراً قلتها بصوت مسموع


منقوله ومعدل عليها .. ~