’،
بسم الله الرحمن الرحيم ..~
أبيات { غزليه كيبورديه } من واقع الفراغ ، أتمنى ان تكون عند حسن ذائقتكم ..~
’،
سلام لـ اللي لها قلبي يرد السلام .. اللي على روضة الخافق تصب الغدير
الجادل اللي عليها وجنتينن كرام .. مع الشَعَر لا كساهن شفت منظر خطير
الخد هو بند قلبي ب أفتتاح الغرام .. و العين هي سند ضلعي و الخفوق الكسير
لا شفتها بددت عني دروب الظلام .. شمسِ تنير الدروب و داخلي تستنير
يا زين ذاك الترف مربوط بالأحترام .. و لا الجمال بيشاف من العمى و البصير
بدرٍ تلئلئ بجوفي فوق صدري وسام .. مع ابتسامة شفاها كل شين بخير
هو ومض برق الجبين او لين خصر القوام .. او هي حور العيون او خدها المستدير
كن الدلع ثوب و مفصل لها بالتمام .. تلبس لباس الدلع و هدومها من حرير
من هام في حبها بين العواذل يلام .. لاكنها المركز الأول و هم الأخير
اهيم في حبها و القلب كله هيام .. انا و قلبي سوى نمشي لـ مثل المصير
لا طلة المترفه و الناس عنا نيام .. ينفكَـ عن قلبي الولهان كل الحصير
يصير بين الضلوع العوج كل أحتدام .. ثم لا أنفتح باب صدري من ضلوعي يطير
وش عاد تسوى سها وش عاد تسوى مرام .. وش عاد تسوى وعد وش عاد تسوى عبير
هاذي كمال الحلا هاذي يعز الكلام .. هاذي ملاك البنات و كل حسنن وفير
في خافقي من غلاها و المحبه زحام .. و انا بـ شعري و قافي و المعاني قدير
هاذي بيوت الغلا لو كان مسك الختام .. اتبع طريق الهوى و الدرب قدمي عسير
’،
ودي و تحياتي لـ 0]الجميع ] ..~
