عنوان القصيدة:/ خلي سرك مكتوم يافاهم
*****
خلي سرك مكتوم ياسمعني لادير لغلطة
راهوا كنز غالي صحيح إذا كنت فاهم
أدفنه في قلبك بثبات و غطيه بمغطة
كونك مع لصحاب فطين لا تغيس هايم
في ذلوقت راهي قلوب لحباب مخلطة
يخبرك بالمفضوح و يترك سراره كاتم
إذا حكيت راك طحت في معماعة قرطة
يطيح قدرك و شناك لغيظ عليك يتلايم
تسماط باس معيشتك تقنط منهم قنطة
تذايق ترق نفسك يصبح نومك حارم
النية و الثيقة توفاة مع هاذوا لمسخطة
لا تفضح سرك لكل إنسان فيه يساوم
( فراش)
مابقات لليد لي تتحط في الكتف
وقاتنا ماهوشي وقت آمان
لخداع محاصرتنا بالكذب تحلف
تحت النوادر يرقوا النيران
يجروا للعيب في جياحة تسخف
و الحياة فوق الأجل طمعان
كي لحال يتبدل يحنث و يحلف
اللسان يكذب و القلب قطران
يتكلم و يعاود في حديثوا يتلف
صحيح فالعيب غارسه بستان
أخسارة ماجاش اللسان يتكتف
متخبي يحارب مورا لسنان
يطول الحال و الصح ينكشف
يظهر بسيرتوا هذاك الإنسان
( الهدة)
خداع الصحبة الله يعطيه سخطة
يا جماعة جماعة لجايح توصل للسماطة
أقبال كاملين لعقول يعزم يلعبها قايم
أرجع الراجل بوجهين و يتحدث بالخطى
للعافنة قضيان صوالح ليها عازم
يعرض في كتافوا ذا هو شيخ لواسطة
يزعم بالهمايمية حتى فالكلام يشارم
أحفظنا ياربي ملخباث بحصون حايطة
أغفر ذنوبنا يالله يا بلخفيا عالم
أجعل في نفوسنا لأفعال لخير ناشطة
أستر لسناتنا من كل أقوال شتايم
عبد العزيز مع لصحاب شاف كذا فالطة
مالقى إنسان فيهم صحيح يمشي مسقم
وبعض الدواب عساسة يتبعو كل لقطة
الحمد لله ماني في بحورهم هايم
إنتهت و لا أتذكر سنتها
تحيتي
*****
خلي سرك مكتوم ياسمعني لادير لغلطة
راهوا كنز غالي صحيح إذا كنت فاهم
أدفنه في قلبك بثبات و غطيه بمغطة
كونك مع لصحاب فطين لا تغيس هايم
في ذلوقت راهي قلوب لحباب مخلطة
يخبرك بالمفضوح و يترك سراره كاتم
إذا حكيت راك طحت في معماعة قرطة
يطيح قدرك و شناك لغيظ عليك يتلايم
تسماط باس معيشتك تقنط منهم قنطة
تذايق ترق نفسك يصبح نومك حارم
النية و الثيقة توفاة مع هاذوا لمسخطة
لا تفضح سرك لكل إنسان فيه يساوم
( فراش)
مابقات لليد لي تتحط في الكتف
وقاتنا ماهوشي وقت آمان
لخداع محاصرتنا بالكذب تحلف
تحت النوادر يرقوا النيران
يجروا للعيب في جياحة تسخف
و الحياة فوق الأجل طمعان
كي لحال يتبدل يحنث و يحلف
اللسان يكذب و القلب قطران
يتكلم و يعاود في حديثوا يتلف
صحيح فالعيب غارسه بستان
أخسارة ماجاش اللسان يتكتف
متخبي يحارب مورا لسنان
يطول الحال و الصح ينكشف
يظهر بسيرتوا هذاك الإنسان
( الهدة)
خداع الصحبة الله يعطيه سخطة
يا جماعة جماعة لجايح توصل للسماطة
أقبال كاملين لعقول يعزم يلعبها قايم
أرجع الراجل بوجهين و يتحدث بالخطى
للعافنة قضيان صوالح ليها عازم
يعرض في كتافوا ذا هو شيخ لواسطة
يزعم بالهمايمية حتى فالكلام يشارم
أحفظنا ياربي ملخباث بحصون حايطة
أغفر ذنوبنا يالله يا بلخفيا عالم
أجعل في نفوسنا لأفعال لخير ناشطة
أستر لسناتنا من كل أقوال شتايم
عبد العزيز مع لصحاب شاف كذا فالطة
مالقى إنسان فيهم صحيح يمشي مسقم
وبعض الدواب عساسة يتبعو كل لقطة
الحمد لله ماني في بحورهم هايم
إنتهت و لا أتذكر سنتها
تحيتي
