هامـتي تعلا لشاعره أشواق السعودية

هامتي تعلا عن نفوسن رديه
البس ثياب الطهارة واتباهى
والرذيلة ماتدنس به يديه
والشرف تاجن على الهامه زهاها
طعنتك والله على نفسي قويه
صابت القلب الرهيّف واحتواها
والخطيه مااقابلها بخطيه
شامخه نفسي وهذا مستواها
كنت عندي شي ماالقى سميه
كنت للروح التباشير وهناها
والنوايا من بعد ماهي خفيه
اتضح وجه الحقيقه في سناها
مابقى من تالي الذكرى بقيه
من بعد كشف الستار اللي غشاها
ولاتحسب النفس من دونك شقيه
عافت النفس الزكيه مبتغاها

شكرا لك ع ـالطرح المفيد
تسلم ايديك

جزاكم الله خيرا علي المرور

بارك الله فيكم علي المرور
جزيتم خيرا