السلام عليكم ورحمة الله وبركاته
مساء الخير على الجميع
___________________________
الود له ضمةٍ .. والصـدر لـه ضمـّـه
والنفس ماهي من الأخطاء معصومـه
ما دام فـ الراس قدح وفـ القدم همـّه
فـ القاع له خطوةٍ و البحر له عومه
القبر في الأرض والشهره على القمّه
يـــارب لا تجـعل الطيحه بلا قومـــه
لا قلـت هانـت مصيبه جــتني مطمــّه
وقتٍ تخارجــــــت من نابـه لـ بلعومـه
من يحسب اني هدف يرميه ويخمــّـه
أضحك على لحيته .. و أبيّع هدومـه
آكل من النخل .. و أورّد علـى الجمّه
مدروسةٍ .. خطة الكبتن و مرسومـه
والهم يا حّوول ما يخجل على دمــّــه
يجي و أنا في حلاوة سابع النومــه
أجاهده بـ الذي لبيـــه .. من فمــّـه
تسوى المساوي جعل يومي قبل يومه
أشفق على شوفته فـي ذمتي ذمّـه
ويلي على قطف رمّانه و برشومه
كآنت عربنا تسولف عن جمال امّـه
واليوم ختم الحـلا بـ يديـه و رقومه
