السلام عليكم ورحمة الله وبركاته
مساء الخير على الجميع
___________________________
لا يغرّك حجب دمعي عن ظهوره
لا تقول اني سليتك , ما سليتك !
دايم استر دمع عيني ستر عوره
والا انا ياما تضايقت و بكيتك !
اولّه يوم الغلا فـ أربع شهوره
وآخره في يوم جيت ولا لقيتك
أعتبر مسياري لجارك ضروره
لجل أوقّف موتري قدام بيتك !
وأنتظر لي ربع ساعه عند سوره
ماخبرت اني دخلته ما احتريتك !
وانت تاخذني على عميا مشوره
مسرفٍ بي لا رِحم حيّك وميتك !
الله اللي حط لك فـ العين صوره
والله ان يمحا نظرها ما محيتك !
تلمحك روضٍ يقلّدني .. زهوره
ناعمٍ لو انّك .. بـ توكل كليتك !
موج حبّك في الحشا صفقه وفوره
والظنون تسدّ نفسي لـ اشتهيتك !
وش تعلّلها عليه من الخطوره !
يا معلّلها على ليتك .. و ليتك !
واحدٍ من طاري اسمك طقّ زوره
وش يقول ان سمِع لبيك وفديتك
عذره بـ مخباه لو يفقد شعوره
وانت عذرك لا رماك الله رميتك !
لا تهز الغصن و تطيّر طيوره
اتق الله واحترم مجدك وصيتك !
وان حداك مساير النفس الغيوره
مرحباً من واحدك .. لكم بليتك !
ارمني في النار من عميا مشوره
واسرف اسرف لا رِحم حيّك وميتك !
https://www.youtube.com/watch?v=zaOAf1LENg8&feature=related
