((( بدع الشاعر القدير شرف الدين فاضل موجهه للشاعر توفيق الماطري
يالله يامن عليك الكل يتوكل = يامالك الملك ياعالم في الاحوال
انت المهمين وانته رحمتك تشمل= تكفي عبادك وتكفي كوننا باكمال
يا اول اول ولا قبله ولا اول= يا اخر اخر وباقي للابد مازال
تميت انته وتحيي وانت من جمل =حساب كل البريه في كتب واسجال
مانلفظ القول الا والملك سجل = ان كان حسنا تضاعفها في السجال
وان كان ذنبا بنفس الذنب يتسجل = حسنا بعشرا وذنبا حال نفس الحال
الرزق منك ومن غيرك بيتفضل = حتى على ابليس ترزق له وهو دجال
اعوذ بالله منه ذي لعب واشغل = اشغل عبادك وزيد في فتن واشغال
ناسا اطاعوه حتى دربهم حول = من درب الانوار الى الظلمات والاضلال
وناس ماقدر عليهم خاب واتعرقل= من طاع ربه اصاب ابليس بالاغلال
صلو على احمد نبي الله ذي مرسل = جانا بقران واضح للحقيقه دال
ونور للصدر من يقراه ماله مل = كلام رب البريه ربنا المتعال
والان يامرسلي قم شد لي وارحل = معي رساله توصلها في استعجال
وباقه الورد جامع زهرها والفل = والطيب والعود والغالي وعال العال
لاعند شاعر قبيلي صاحبي الاول = ذي هو معيا برحلاتي وفي الترحال
الماطري جيد والاجواد ماتبخل = واللصداقه وفاء نادر وشاعر حال
ياكم تغنى لوحدتنا وكم زومل = وكم معيا وقف في ساعه الزومال
عودي من العود واحنا عودنا يشمل = الكل منا على الثاني هو الشلال
مابنفرق ولا ترضى الوفا ء يختل = بنايه الساس هامه عاليه واجلال
قولو له العلم جاني والنباء اتوصل = من وسط صنعاء ومن داخل عدن اقوال
قالو قد الوضع خارب والعميل اختل = ذي كان مخلول زاد اليوم في الاخلال
قالو الحبيلين فيها مافيا موغل = وابين ولودر وموديه صار فيها اشعال
هذا حراكي يقول ان الجنوب محتل = وضم للقاعده في حقد واستهبال
وذاك ملموخ لايدري بما يفعل = غرر عليه الذي يفتي وهو بطال
واخر مورط بقتل الامن الاعزل = اخوه لاكتبه ناوي له استئصال
وفتنه اكبر بصعده ما وقعشي حل = كنا فرحنا وقلنا تابو الجهال
وان التمرد على حاله وما اتحول = ماغير هدنه وواقع ماحصل مثال
واحزاب فيها مرض سلطه وحلم اخبل = ماغير كلن في التشهير له مكيال
مامنهم اهداف مدروسه لوضع افضل = ولا لقينا بهم واحزابهم عُقال
جمعهم الله ذي ضمى وذي سربل = وذي تنحى عن المسجد تحول ضال
ايش السبب ذي جمعهم وايش ذي وصل = شيعي بشوعي غريبه هذه الامثال
حتى الحكومه قديه بالمثل ذي تعمل = كلن يعاند وضنه ان هذه اعمال
والمرتشي والتلاعب زاد ماشي قل = والمفسده والمفاسد والغلا استفحال
غبني على ناس معيوبه وماتخجل = تزور الحق في التضليل والاضلال
وانا مع الشعب واقف دون ما اتحول = باقي على العهد بالاقوال والافعال
واقسمت بالله ما جامل ولا اتجمل = على حساب المواطن وامتدح للضال
من قال باينفصل كذاب لن نقبل = لاله مكانه ولا يسمى من العُقال
وحده ووحده ووحده من قري فنقل = ابعد من الشمس تقسيم الوطن مانال
واهل الارهاب لن نرضى ولن نقبل = من باع دينه بكذبه سمسري دلال
مايامر الدين قتل النفس ذي تقتل = ولا المعاهد يروع او يذل اذلال
ياماطري راجع المكتوب واتفضل = ترجم ووف المعاني واكمل الاقوال
احترت فيما بيحصل وين با يوصل = وضع الوطن حير الواقع وغاب الفال
نسال من الله يهلك كل من ضلل = وكل مفسد وينهي شله الانذال
صلو على احمد رسول الله ذي مرسل = جانا بقران واضح للحقيقه دال
صلاه تغشاه واصحابه لهم تشمل = وال بيته واتباعه من الاجيال
يالله يامن عليك الكل يتوكل = يامالك الملك ياعالم في الاحوال
انت المهمين وانته رحمتك تشمل= تكفي عبادك وتكفي كوننا باكمال
يا اول اول ولا قبله ولا اول= يا اخر اخر وباقي للابد مازال
تميت انته وتحيي وانت من جمل =حساب كل البريه في كتب واسجال
مانلفظ القول الا والملك سجل = ان كان حسنا تضاعفها في السجال
وان كان ذنبا بنفس الذنب يتسجل = حسنا بعشرا وذنبا حال نفس الحال
الرزق منك ومن غيرك بيتفضل = حتى على ابليس ترزق له وهو دجال
اعوذ بالله منه ذي لعب واشغل = اشغل عبادك وزيد في فتن واشغال
ناسا اطاعوه حتى دربهم حول = من درب الانوار الى الظلمات والاضلال
وناس ماقدر عليهم خاب واتعرقل= من طاع ربه اصاب ابليس بالاغلال
صلو على احمد نبي الله ذي مرسل = جانا بقران واضح للحقيقه دال
ونور للصدر من يقراه ماله مل = كلام رب البريه ربنا المتعال
والان يامرسلي قم شد لي وارحل = معي رساله توصلها في استعجال
وباقه الورد جامع زهرها والفل = والطيب والعود والغالي وعال العال
لاعند شاعر قبيلي صاحبي الاول = ذي هو معيا برحلاتي وفي الترحال
الماطري جيد والاجواد ماتبخل = واللصداقه وفاء نادر وشاعر حال
ياكم تغنى لوحدتنا وكم زومل = وكم معيا وقف في ساعه الزومال
عودي من العود واحنا عودنا يشمل = الكل منا على الثاني هو الشلال
مابنفرق ولا ترضى الوفا ء يختل = بنايه الساس هامه عاليه واجلال
قولو له العلم جاني والنباء اتوصل = من وسط صنعاء ومن داخل عدن اقوال
قالو قد الوضع خارب والعميل اختل = ذي كان مخلول زاد اليوم في الاخلال
قالو الحبيلين فيها مافيا موغل = وابين ولودر وموديه صار فيها اشعال
هذا حراكي يقول ان الجنوب محتل = وضم للقاعده في حقد واستهبال
وذاك ملموخ لايدري بما يفعل = غرر عليه الذي يفتي وهو بطال
واخر مورط بقتل الامن الاعزل = اخوه لاكتبه ناوي له استئصال
وفتنه اكبر بصعده ما وقعشي حل = كنا فرحنا وقلنا تابو الجهال
وان التمرد على حاله وما اتحول = ماغير هدنه وواقع ماحصل مثال
واحزاب فيها مرض سلطه وحلم اخبل = ماغير كلن في التشهير له مكيال
مامنهم اهداف مدروسه لوضع افضل = ولا لقينا بهم واحزابهم عُقال
جمعهم الله ذي ضمى وذي سربل = وذي تنحى عن المسجد تحول ضال
ايش السبب ذي جمعهم وايش ذي وصل = شيعي بشوعي غريبه هذه الامثال
حتى الحكومه قديه بالمثل ذي تعمل = كلن يعاند وضنه ان هذه اعمال
والمرتشي والتلاعب زاد ماشي قل = والمفسده والمفاسد والغلا استفحال
غبني على ناس معيوبه وماتخجل = تزور الحق في التضليل والاضلال
وانا مع الشعب واقف دون ما اتحول = باقي على العهد بالاقوال والافعال
واقسمت بالله ما جامل ولا اتجمل = على حساب المواطن وامتدح للضال
من قال باينفصل كذاب لن نقبل = لاله مكانه ولا يسمى من العُقال
وحده ووحده ووحده من قري فنقل = ابعد من الشمس تقسيم الوطن مانال
واهل الارهاب لن نرضى ولن نقبل = من باع دينه بكذبه سمسري دلال
مايامر الدين قتل النفس ذي تقتل = ولا المعاهد يروع او يذل اذلال
ياماطري راجع المكتوب واتفضل = ترجم ووف المعاني واكمل الاقوال
احترت فيما بيحصل وين با يوصل = وضع الوطن حير الواقع وغاب الفال
نسال من الله يهلك كل من ضلل = وكل مفسد وينهي شله الانذال
صلو على احمد رسول الله ذي مرسل = جانا بقران واضح للحقيقه دال
صلاه تغشاه واصحابه لهم تشمل = وال بيته واتباعه من الاجيال
شرف الدين فاضل
.((( جواب الشاعر توفيق الماطري على الشاعر القدير شرف الدين فاضل
يالله يامن بعدلك كل طاغي ذل= لافاد فرعون جبروته ولا الاموال
عبره جعلته لظالم ظلمه استفحل = داخل جهنم يكابد نارها الشعال
واهلكت هامان وزير الباطل الاول =وابى لهب تبت ايده داخل الاغلال
بك انت وحدك اله الكون نتوسل = فلا تكلنا لغيرك ياعليم الحال
تعلم وتدري بما علا وما سفل = تملك مفاتيح هذا الكون والاقفال
فلا تواخذ ابو شايف بما يفعل = ياصاحب الستر اغفر زله الزلال
توهب وتعطي فلاتمنع ولا تبخل = جنبتنا من دعاه الشر والانذال
وابعث صلاتي عدد ماسيلها سيل = على نبيك وكامل صحبته والال
الماطري قال حيا الله بشاعر هل= يستاهل الشكر والتقدير والاجلال
مرحب يوازن جبال العود والنقول = وناطحات السحايب حيثما تختال
بالفاضلي الشاعر البداع والمرسل = رحب معي ياجبل نيجرا مع الشلال
شرف صديقي على مبداه ماتحول = وافي وكافي معي بيحارب البطال
اذا دعيته يسابق طلقه الجرمل = الشاعر الوحدوي صادق بكل ماقال
مني وفيني رجال العود ماتفسل = ماضي وحاضر وللغد مجدهم مازال
اهداني الورد بالورده يخذ مشتل =في خال شايف تراحيبي باكرم خال
ذافصل واخر عن الموضوع يتفصل = عن لحج وابين وصنعاء عاصمه ازال
نجم الحراك الجنوبي قد بداء يافل = ماعاد يحمل زخم ولا اليه اقبال
حصرهم القائد الضرغام في معقل =حصار محكوم لاطلعه ولا منزال
قل للفتى قاسم الريوي عليه يرحل = ذي خان مبداء علي ناصر وباجمال
الشاعر الانفصالي كم لهم طبل =واليوم مكشوف لاخيمه ولا طربال
محال نعفيه مهما طاع يتوسل = ذي كان موعود في منصب وزير المال
والضالعيين لابد يقبلون الحل = مابايضلو كذا لعبه بدون اجوال
ماباتعود الازارق لازمن شعفل = ولن يشوه على شايع غباء شلال
ومفتي القتل اصيب اليوم في مقتل = يبكي مصيره ودمعه عالوجن سيال
ذي شوه الدين لدم الابرياء حلل= قال المثل يستكيل المرء مما كال
ارهاب مفضوح مرض فيهم قد استفحل = والكي اخر دوا بيزيل الاستفحال
قدهم باخر رمقهم موتهم عجل = يعيش جيش اليمن واصقوره الابطال
لقن ابوهم دروس لرقباهم جندل = ومعركه موديه للنصر شاهد حال
والحوثي اللي بصعده طاح واتزلزل = مصروع من قوه الاعصار والزلزال
مكسور من قصمته جاثم قدوه معتل = نطل ولا بايقوم من شرها منطال
واحزابنا تايهه بالخل والخردل = واسلوبهم ذاك نفس العزف والموال
مسارهم عن مسار الشعب في معزل = بعد المصالح تراهم زادو الهروال
والبعض منهم مشى في طبعه الاول = من وقتما قامت الثوره وهو يحتال
بالصبح ثوري مع السلال يتجول = والليل بيصوب الجرمل على السلال
نفاق خالط ضعيف النفس ذي مثل = انه مناضل وهو ياللاسف محتال
وفيه بالاحزاب من للحريه يعمل = لكن يعاند طمع في القصر والاطلال
ماشي اجتمع شمل لا الاعمى ولا الاحول = سيناريو علق البذله مع الدسمال
لاذا مع ذاك ولا هذا لذا اتقبل = واحلافهم مظهره غربالها غربال
اما الحكومه اكيد خمولها طول = بتظلم المشتري وتجامل البقال
هذاك هو اسلوبها مادشنت معمل = ولافرص ذي تعول الاب والاطفال
والجدول المنتهي تستبدله جدول = يزيد مال الغني وللفقير اهمال
تحذير منا لها من قبل تتحبل= ويطيح فيها الجمل والحمل والجمال
القائد اعطا لهم صلاحيه خول = من اجل يبنو الوطن لافضل الاحوال
لايحسبون الرئيس عنما يصير يغفل = لاخير في من يخون الخيل والخيال
والسارق المرتشي ماحل سوى يعزل = مابش حرامي يتوب الا رجع نشال
على الزعيم البطل يصحح المختل = واحنا معه ضد من يتعمدو الاخلال
وانا معاك بالقسم اقسمت ما اتململ = عن حب اطهر وطن في الحل والترحال
والوحده الباقيه من قال لا يرحل = او بايموت بالسجون بالقهر والاذلال
لُحمه وطن الف حاشى نرتضي تُفصل = النصر والحريه والخير للاجيال
من حقنا اليوم نتفاءل ونتامل = والخير قادم ولُحمتنا هي اكبر فال
الى هنا ياشرف تميت واتفضل = ماجاء من الماطري والعفو لو هو طال
واختم بذكر النبي اعداد مارتل = وماتلا سوره الاعراف والانفال
على شفيع الخلايق من حمم تشعل = صلو معي عالنبي وصحبتهوالال
توفيق الماطري
