بسم الله الرحمن الرحيم
والصلاة والسلام على أشرف الأنبياء والمرسلين وبعد.....
مرثية أم بولدها الشاب يبلغ من العمر (24 سنه )الذي فقدته بعد ماتمكن منه المرض حيث عانا من مرضه 5 سنوات ،وكان مرضه مجهول بين عين وحسد مقترنه بمس وبين مرض نفسي حاد،
نظرآ لتفوقه بالدراسه ولذكاءه منذ صغره،حيث كان مظرب مثل للجميع
تلقئ العلاج داخل وخارج المملكه دون جدوئ..
..رحمه الله واسكنه فسيح جنانه.
وأعتق رووحه من النار..
/اللهم امييين/
...المرثيه...
ياحزني اللي منه مدمعي همال مثل المزون"
ولا مثل منهو بعد صوابه تاه وظيع طريقه..
ياحزني اللي عاش بالقلب مكنون"
مثل نار توقد وتشعل بالقلب حريقه..
ياحزني اللي لو دروبه ماينامون"
يبكون ويحكيه الصديق لصديقه..
ياحزني اللي زاد بالقلب نار وطعون"
وقطع شرايين القلب وجفف بالحلق ريقه..
على وليدن رافق من بعد العقل كل مجنوون"
تايه وحاير بدنياه والمرض ظيع طريقه..
قضى من عمره خمس سنين ماعنه يدرون"
لين مالمرض فيه بان والحزن والالم هو رفيقه..
كله سبايب من شافوه وماقموا على النبي يصلون"
كله سبايب من ذكره وماذكر ربه وبل ريقه ..
ياحزني خذني بعده صفحه مالها لون"
ذابت حروفها من الحزن وزادت بالقلب ضيقه..
اكتب وحزني يطويني ويخنق صوتن غدا محزون"
أكتب وبالقلب نارآ منها مدمعي بالعين زاد بريقه..
ويل حالي قد ماذقت انا من الحزون"
وويل حالي وين الفرح وشهو طريقه..
ياعازم أمك من نوحها دعت كل محزون"
وكل من درئ بقصتك جف ريقه..
ياعازم امك ماتنام وهم يناموون "
تدعي لك بجوف الليل وهي بهمها غريقه..
جوني بأول نهاري قاموا يعزون "
يقولون مات والله عرف طريقه ..
طعنه وجتني بصباح كله حزون"
من لوعتن تقود الحسره بقلبي وتضيقه..
رديت انا مات كيف أنتوا وش تقولون"
عسئ وليدي يسلم وانا عساني بحريقه..
ياما قبضت علئ كفه بالهووووون بالهووون"
وقلت دارك المسجد ولا تضيع طريقه..
ياما ناداني وبصوته فرحه عمت الكون "
يمه نجحت وحلمك أصبح حقيقه..
الحين وينه ليش انتم ماتردووون"
وينه دواء قلبي ومداوي الضيقه.. بكري وفخري مايعوضني عنه مليون"
أرثيه وارثي زمانآ بعد فرقاه ماعدت أطيقه..
يالله ياواحد يامرسل المزون "
بلل ثراااه برحمه وأجعل للجنه طريقه..
أعيش وقلبي بهمه وحرمانه مكنوووون"
وابكي بكئ من زاد مع صبره كثر الضيقه..
أحس الموت يناديني بعده علئ الهون"
كل يوم اقول موتي دنا وانا حالي شفيقه..
آه من همن مايوصفونه لو يقولون "
واه من كسرآ مانجبر ولا نعرف له طريقه..
مرحووووووم ياللي عليك الناس للحين يبكون "
مرحوووم ياللي ماشكئ همه حتئ لصديقه..
يالله ياواحد يا أرحم من قلبآ أمن حنون"
بلل ثراه برحمه واجعل روحه من نارك عتيقه..
يالله أكتبه شهيدآ مات من ناره محزون"
واجعل الجنه بالأخره هي طريقه..
*********************[center]
دعواتكم له بالرحمه والمغفره
الله يرحمه ويسكنه جنان الفردوس اللهم آميييييييييييييييييييييين
