السلام عليكم ورحمة الله وبركاتة
الموضوع منقول يا جماعه حفاظاً على الحقوق
لاكن الموضوع جميل جداً عجبيني
من منطلق انك تكون عزوبي تصير عندك ردة فعل عكسيـة تشوف القارورة اللي قدامك فارغة !
هو بالاساس ترامافيه قارورة لاجل تكون فارغة خخخ لكن ، عزوبي لاتشرهون !
أحسـن شي لما تقوم الصبح تأخذ لك نص ساعه تتمغط الين ماتنملع كتفك ثم بعدها ترفع فنيلتك وتدخل يدك ببطنك
وتقعد نص ساعه تتهرش وتختمها بشوشتك ثم تقوم ويقعد وياك ذباب يزن ويحوم حول راسك
ويرافقك مع بداية مشوارك الصباحي اللي من أولوياته انك تتجه للمطبخ !
نفسي مره ادخل مطبخنا وما ألقى على السيراميك ماء
نفسي لافتحت الثلاجه القى وجبة كاملة مو ماكولن نصها
نفسي القى ببسي مفتوح ماعليه دسم
يعني عشاننا عزوبية تحطون لنا الببسي والسفن حق وراعين خواتي اللي ماشربوه ع العشاء؟
ونجي حناما نلقى الا هو ونشربه ؟
نفسي ادخل المطبخ عقب اخواني وما القى دوائر الفيمتو على طاولة المطبخ
ونفسي مره اقوم وما القى بالطوفرية عشاهم البارح ، احس مخلينه نحاسه
بس عشان اذا شفتوه يصير في خاطري اني نمت وماتعشيت معهم
عاد اليوم كأي يوم يمر علي ومتعود عليه ، فتحت الثلاجه لقيت نعمتن واجد ياربي لك الحمد ،
بس العيشةاللي بالثلاجه تكون كلها طعم ثلاجه الا انوه يختلف الشكل
يعني الرز و المكرونة والمرق والبطاطس والحلا والببسي المفتوح ، كلها طعم ثلاجه
ويختلف الشكل وتختلف المادة المأكولة من سائلة الى غازية الى متكتلة !
وبالنهاية تقل تاكل لك طعم ثلج ثلاجه !
مار امي طايحة بحلول من تالي ، صايرتن تطبخ مع أول الاسبوع بقدر تسبير ،
وكل مادخلت المطبخ تلقى ذا القدر بوجهك من السبت للجمعه تقعد تصخن فيه ونقعد ناكل منه
الين ماخلاص توصل لدرجة انك تبستي وانت تاكل !
خصوصن اذا صار بصحنك عظم مافيه لحم ، يقعد يتكرر لك العظم كل يوم بصحنك ونفس المشهد
هالاسبوع عاد تسلطت علينا بمرقوق وكل مادخلت المطبخ وشفت القدر عضيت فنيلتي من القهر وبتسيت ،
قسم نبي غيروه ملينا !
قسم حتى صحون جارتنا ام محمد حفظت شكلها !
على طاري جارتنا وهي من جنسية عربية ، عجوز ياحبيله بس عنده له صبايا ،
ياخي غصب لاشعوريا اذا طلعت بوجيههم فجأة تحس حركات اطرافك لاشعوريا تتميلح
وفجأتن تصير مهرج تختفي بجسمك ورى الباب او الجدار وراسك يطالع خخخخخ
كل شي تزبن فيه عنهم الا رقبتك وراسك وعيونك وعشان تبعد التهمه عنك تروح تزمر على اهلك
ياخي سكرواالباب ثاني مره خخخخخ
شي مؤلم :
اذا فرشوا سفرة العشاء وتشوف الصحون تتوزع قدامك وانت تمد يدك كل مره ويكسحونك
واخرتها تقعد تاكل من الرز وانت لاحولك سلطه ولا مرق ، اصلن ماحطوا عندك ملعقة ،
اصلن سافهينك ولا عطوك ببسي اصلن ركنك كله زبيب خخخخخ
<< ياخي قولو مانبي تتشعى معنا وخلا
شي مؤلم :
تكون مزبن لك قوطي بور هورس ، وتقوم متحمس تبيه .
وتجي الا ماخوذ ومحطوط مكانه ياحزمة جرجير او قدر كشنه
وتتحمس وتدور واخرته ينكب عليك القدر وتقعد يدك تملصق بالكشنه
شي مؤلم :
لما تجي تتروش وتفتح علبة الشامبوا وتحسها ثقيله ، ولما تصير تحط الدش وتفتح الشامبو تلقاه مويا
خخخخخ تحس اخر واحد تروش قبلك قاعد يستهبل
شي مؤلم :
لما تجي تتقهوى عند امك بعد مايروحون حريم الحارة ، وتقول اصب لك ؟
بس مابوه فنجان نظيف ،وانت تناظر وهي تعد عليك اسامي الجارات وهذا فنجال فلانه وهذي كاسة فلانه
، .. الخ!
شي مولم :
انك بعد كل عزيمة تصير مشفوح ، تتنظر الناس متى تروح ، ولما تجي تشوف الصحون
ماتلقى الاقشور مكسرات ، حتى الكاجو اكلينه << كلاكم الذيب
شي مؤلم :
وانت قاعد تزقر ولد اختك وتجي اموه تزقرك ! ياخي تحس ان ودك تخم الجدار وتبسي ،
تشق هدومك ، تعض فنيلتك ، تمسك راس ولد اختك وتصفق فيه الجدار وتنحاش
شي مؤلم :
لماتشوف المبزرة معهم ايبود وايباد ، تروح مع الزمن وخيالك وتسرح شوي وتتذكر وش كنت يومك صغير
، وانت تتخيل تشم ريحة سيارة الفليت حقت البلدية ، الرمضا ، حمارالقايله
، نبيلة ، نعول عيال جيرانكم ،
حوض سيارة ابوك .
خخخخخ الخ الخ !
