صدمتيني.! و انا ناقص أشيل ابْـ هالجسد صدمات؟
,,,,,,,,,,,,,,,,,,,,,, نحيل و غربتي قبلـڪ .. نسـت فينـي مخالبها
أجرجرني على وجه السنين..و يسقطـون أموات
,,,,,,,,,,,,,,,,,,,,,, من فتوق استباحت صـدري و طالـت غواربها
لڪ الله من ڪثر مـ نْقل جثثهم في ضلوعي..مات
,,,,,,,,,,,,,,,,,,,,,, خفوقي , و اصدق ادموعي عليهم صـرت اڪذِّبها
وحيد ولاني محتاجڪ أنـا ڪل حاجتـي .. أصوات
,,,,,,,,,,,,,,,,,,,,,, أشيل إبْهـا تعـب صدمـة عمر وجهـي تعزَّبها
عيونـي تشبـه اعيون اليتامـى ڪلَّهـا حاجات
,,,,,,,,,,,,,,,,,,,,,, وضلوعي ڪل ضـد و ضـد يسعى فـي مناڪبها
و دروبي من ڪثر ما هي تدسّ إلْـ جيِّتـي نڪبات
,,,,,,,,,,,,,,,,,,,,,, قبل مـ ارسـم بهـا خطواتـي البيضا ...أراقبها
من سنين الحليب إعظامي اعتادت على الطيحات
,,,,,,,,,,,,,,,,,,,,,, اطيح و ڪل ما طحت العـزوم اتغيـب .. و اندبها
تعالي وايقي فيني..وشوفي وش ورى الطعنات
,,,,,,,,,,,,,,,,,,,,,, بِتَـلقيـن القهـر و وجيـه ما تحشِم قـرايبها
وش أحڪي لك؟عن الغربة!عن أوجاع استحلَّت ذات!
,,,,,,,,,,,,,,,,,,,,,, أو أحڪي لـڪ عن اهْمـوم ٍ تِجَاذَبْنِي و اجَاذِبْهَا!
أنا من شافني اقـرا إبعيونـه : هالرجـل مـوَّات
,,,,,,,,,,,,,,,,,,,,,, و هو يقرى إبعيوني : لا و ربڪ ما صدقـت إبها
نشف ڪل الڪـلام و باقي ٍ لـڪ بالصـدر ڪلمات
,,,,,,,,,,,,,,,,,,,,,, توحّيها .. و خلّـي صوتِـڪ المبحوح .. يقضبها
صحيح إني تعوَّدت أنصدم و إلـْ هامتي صدمات
,,,,,,,,,,,,,,,,,,,,,, ولكن صدمتڪ شالت من ضْلوعـي ..
حبـايبها
