شوية اقتراحات اتمنى التمعن فيها

السلام عليكم ورحمة الله وبركاته
اهلا بأسرتي واحبائي واصدقائي .. فريق اشراف منتدى الاشهار العربي
ان شاء الله يكون الجميع بخير

امبارح مكنش جايلي نوم لغاية الفجر .. وفضلت قاعد في السرير بفكر في شوية حاجات واقتراحات للمنتدى هنا
المهم هذه الاقتراحات .. مجرد افكار جاتلي ممكن الاخذ بها ومن الممكن ضرب بها عرض الحائط
وع رأي المثل البيبساوي الشهير (بكرة بدأ بفكرة)
واتمنى ان يكون النقاش مفتوحا للجميع فيها .. وان يكون امرنا شوري بيننا كما تعودنا دائما في مثل هذه الاقتراحات

اولا : اتمنى عمل ارشيف موحد للاقسام الاشهارية .. لان بجد بقى شكل الاقسام الاشهارية مستفز .. اغلب الاقسام اول صفحة فيها كلها مواضيع مغلقة وموجودة مجرد شكل في الاقسام
فاتمنى ان يكون الارشيف دة لنقل كل المواضيع المخالفة والمهملة والمغلقة سابقا ولاحقا
طبعا انا عارف ان كان في تعليمات ادارية بعدم اهمالها في السلة
ولذلك اقترحت ان يكون القسم دة في الاقسام الاشهارية نفسها ولكن للحفاظ ع شكل ورونق القسم

ثانيا : اتمنى تعميم فكرة عمل ارشيف للقسم ع باقي اقسام ملتقى مديري المنتديات التي بلا اراشيف
( التبادل الاعلاني - بيع وشراء منتديات - عروض الاشراف )
واعتقد ان فكرة الاراشيف في اقسام (خدمات وعروض - المسابقات - التبادل التسجيلي ) اثبتت نجاحها في الحفاظ ع القسم وشكله وتطهيره من جميع المخالفات بسهولة

ثالثا : قسم اخبار الرياضة .. ارجو ان تعدل طريقة فرز المواضيع فيه
وان تكون باخر المواضيع وليس اخر رد
لان طبيعي الاخبار دي بيبقى مهم فيها تاريخها
مش معقول يبقى الصفحات الاولى مثلا فيها خبر فوز منتخب مصر بكاس افريقيا 2010
ولا انتقال كريستيانو رونالدو الى ريال مدريد

رابعا : المسابقات الشعرية .. حاولت كذا مرة ادخل .. ولكن في رأيي المتواضع ان في بعض التعديلات محتاجاها المسابقة

1- بالنسبة للقوانين .. صعب جدا ان الشاعر يبقى متحدد بحد اقصى لقصيدته
اتمنى ان نعدل بدل ما نقول ان يكون اقصى حد 8 سطور
نخليها ادني حد 5 سطور .. ولكن نسيب الحد الاقصى مفتوح
لان بجد صعب جدااااا ان شاعر يتقيم في 8 سطور يكتبهم
او انه يلخص فكرة كبيرة في دماغه في 8 سطور بس
2- صعب ان نحط في نفس المسابقة .. قصائد عامية وقصائد فصحى في نفس الوقت
فكنت اتمنى ان يكون في مسابقة للشعر النبطي .. ومسابقة للشعر الفصيح
لان مينفعش يتقارن شاعر نبطي بشاعر فصيح
لان دة فيه ظلم لكليهما .. لان كل واحد منهم مبدع في فرعه
يبقى احنا كدا بنعمل تصويت على شيئين مختلفين
3- يا ريت يتحط في القوانين
ان تكون الخاطرة شعر وله قافية .. مش اي كلام فاضي معقول
سوري يعني مع احترامي الشديد للجميع
ولكن اتمنى رؤية اخر خاطرة فازت .. وب90 صوت
هل دة كان شعر ؟؟
طب القافية كانت ايه بالظبط ؟؟
والبحر الشعري اللي القصيدة بتنتميله ايه ؟؟
للاسف اي حد بيحط اي خاطرة وينشرها ع الدردشة والخاص
والاسم شاعر الاشهار
4- نفسي نعمل مسابقة شعرية كبيرة .. بين كل اللي عندهم موهبة الشعر في الاشهار
تبقى نظامها زي مسابقة امير الشعراء كدا
مراحل وجولات ويا سلام لو نعرف نجيب شعراء او حتى ناس بتفهم يبقى ليهم تقييم جنب تصويت الاعضاء

خامسا : يا ريت نعمل مسابقة ادبية .. زي المسابقة الشعرية
يعني لان زي ما في ناس موهوبة في كتابة الشعر
في ناس موهوبة في كتابة المقالات والقصص القصيرة

سادسا : المجلة ليه وقفت ؟؟؟؟؟؟؟؟
لاني بجد كنت شايفها فكرة راااائعة جدا
وكانت هتولع المنتدى

اعتقد دة بس اللي فاكره دلوقتي
وطبعا لو جالي اي فكرة او اقتراح
مستحيل ابخل بيه ع بيتي الثاني
منتدى الاشهار العربي

واعتذر لنشاطي الشبه معدوم في الايام الماضية
لان بجد النت عندي رجع لعادته القديمة
وهو ان ييجي مع بعض المواقع والمنتديات ويهيس .. وعشان يحمل صفحة واحدة ممكن يقعد من 15 ل20 دقيقة
ومش عارف ليه في كل مرة .. بيبقى من ضمن المواقع دي .. منتدى الاشهار .. ومنتدايا الانهار الجارية
ولكن الحمد لله من امبارح بدأ يفتح زي الفل
والاشهار بقى بيفتح تمام جدا
وكله بقى فلة شمعة منورة

اقتراحات جميلة

بالتوفيق

اهلا وسهلا بك اخي مروان
شاكر لك الاقتراحات الجميلة
والتي تدل على متابعتك الجيدة للمنتدى

بالنسبة للاقتراح الاول والثاني
بخصوص ارشيف لاقسام الاشهار
وكذلك ملتقى مديري المنتدى
فدي الفكرة تم طرحها من قبلي على حامد
لكن شاء القدر ان اغيب هذة الفترة بسبب الحادث الذي تعرضت لة
لكن الحمد لله استطيع ان اعمل بيد واحد للفترة المقبلة الى ان اشفى تماما بفضل الله


اما بالنسبة للاقتراح الثالث الا وهو ان يكون حسب تاريخ الموضوع لا تاريخ اخر رد فية
فكرة جميلة
اما بالنسبة للخواطر وتحديدها بثمان اسطر فانا معك في هذة الفكرة


اما بالنسبة لفوز الخاطرة الاخيرة
كما تعرف فوز الخاطرة لايدل على انها الافضل
لكن صاحبها دع اكبر عدد من الاعضاء لكي يصوتوا عليها
فمن الطبيعي يفوز صاحب الخاطرة
ليس لان خاطرتة هي الافضل
لكن الاكثر اصوات


اما بالنسبة لوضع قوانين ينص رعلى ان الخاطرة يجب ان يكون لها قافية

ممكن افهم منين جبت بحور للخواطر
اخي الخاطرة لاتحتاج الى بحر شعري
انما هية فيض من مشاعرك ووجدان الشخص لايحكمها بحر او قافية

فهية ليس شعرا

بالنسبة للمسابقة الادبية فكرة جميلة وانا معك

اما المجلة فلا اعرف فان الاخت اليكسا هية من مسول عن هذة المجلة ولا اعرف لما تم ايقافها


لكي تحياتي

اولا لقد حزنت جدا لخبر مرضك
وانا استغربت تغيبك في الفترة الماضية
وكنت اتمنى انك تعلمنا بهذه الحادثة باي طريقة
كي نطمئن عليك اولا بأول
واتمنى لك العودة بسلام ان شاء الله
وربنا يجعل فترة مرضك
فترة لتكفير الذنوب والرفعة في الدرجات

ثانيا بالنسبة للاراشيف
حضرتك طب متعرفش ماذا كان رد الاخ حامد ؟

ثالثا بالنسبة للخواطر
يبقى اعتقد مينفعش ان تكون المسابقة اسمها شاعر الاشهار
والفائز فيها يكون شاعر الاشهار ايضا
وهو لم يقل شعرا

رابعا اتمنى من حضرتك لو مفيهاش مشقة ع حضرتك
ان حضرتك ترفع الامر لادارة المنتدي
وان شاء الله ربنا يحقق اللي فيه الخير للمنتدى

وسلامة حضرتك مرة اخرى يا حبيبي

ربنا يسلمك من كل مكروة
ويرفع درجتك في المتقين

وانا تحت امرك
سوف يتم رفع الامر الى الادارة
وان شاء الله بعد النقاش فية
سوف يتم اعلامكم بالامر
شاكر لك الجهود الطيبة