طبعا قبل مابدا احب اوجه الشكر للعضو mido habib لانها كنت مسؤولة عن تنسيق الدورة دي واحب اتوجه بالشكر لكل المشرفين اللي وقفوا معانا عشان نعمل الدورة دي
وطبعاانهاردة ان شاء الله هابدا معاكوا
سلسلة دروس جديدة فيديو صوت وصورة
وكل حاجة وزي مااتعودنا مع بعض كل دورة ليها مميزات
الدورة دي مميزاتها اني عملتها بحيث لو واحد مابيعرفش فوتوشوب من اساسه وعاوز يتعلم تصميم هيتعلم عادي
وهيبقى بروفيشنل ما بالك بالناس اللي بقالها مدة في التصميم مع الدورة دي هيعملوا ايه
والحمد لله لما دخلت المنتدى ولقيت فيه ناس جامدة ومحترفة بجد بقيت سعيد وقلت يارب اكون بس ساهمت في اللي عندهم ولو بدرس واحد
لاني والله نفسي نبقى احسن من اي حد احنا كعرب عامة مش هطول عليكم
انا هشرح الدورة دي دلوقت بتتكون من ايه ، الدورة دي بتتكون من ثلاث مستويات هما:
المستــوى الاول
وده مستوى هيرفع منك من مبتدئ الى واحد عنده خلفية في التصميم
المستــوى التاني
وده هاادي فيه ان شاء الله بعض الفنيات البسيطة بالاضافة لشرح مفصل وممل لاداة البن توول
المستــوى الثالث
وده هتبقوا معايا ان شاء الله محترفين وتقدروا تعملوا اي تصميم يقابلكم
وفيه طبعا ملحق تعليمي
وده اختياري طبعا تكمل فيه ممكن ماتكملش فيه وهتبقى كويس برضه وبيتكلم الملحق ده عن الفوتوشوب وازاي نستعمله بحيث يعود علينا بمردود مالي وهيشمل الموضوع ده
طبعا الدعاية والاعلان بالتفصيل الممل الى درجة الملل
طبعا انا كل اللي عاوز منكم انكم تشاركم معايا بتصاميم واي اسئلة انا موجود عشان ارد عليكم ان شاء الله
واستفيدو ياجماعة احنا ماحدش وقف معانا في طريقنا والطريق كان علينا طويل واحنا دلوقت رجعنا عشان نقف جمب الناس ونسهل عليها طريقها
]
