تذكير بمساهمة فاتح الموضوع :
بعد ضياع نقطتين بالأمس أمام الانبي في مشوار الوصول للقب الغائب عن القلعة البيضاء منذ 7 سنوات
كانت كل ردود فعل الزملكاوية متباينة .. وفيما يلي سرد لأهم التعليقات ع مباراة الأمس
تحياتي
MarwanSoudies
بعد ضياع نقطتين بالأمس أمام الانبي في مشوار الوصول للقب الغائب عن القلعة البيضاء منذ 7 سنوات
كانت كل ردود فعل الزملكاوية متباينة .. وفيما يلي سرد لأهم التعليقات ع مباراة الأمس
النهاردة بس اقتنعت ان الزمالك مفهوش مدرب
رغم ان حالة كل اللعيبة زبالة بس بصراحة حسام حسن ميييييييييييح خالص
مش ممكن يعنى كل خطة اللعبة تكون كور طويلة واستنى تسقط للمهاحمين
ومش ممكن برضو التغييرات المحفوظة كل مباراة من غير هدف حقيقى غير عمل تغيير وخلاص
===============================================
نقطتين اليوم و3 في الإسماعيلية يبقي الفارق نقطة ويصبح الوضع معقداً والايام بيننا..
غباء حسام يضيع الدوري من بين يديه.. والعاقبة عندكم في المسرات..
===============================================
و حينما يكون المدير الفنى مغيبا و متفرغا للتنطيط و التشجيع
فتح اله و هو داخل يشوط كان ركبه بتخبط فى بعض و كان واضح جدا أنه هيضيعها؛ و التغييرات كلها زى الزفت؛
ربنا يستر على اللى جاى
===============================================
الحمد لله
كانممكن نتغلب
فريق انبي مش بسيط
الحمد لله
وماحدش من اللعيبه كان في مستواه حتي الماجيكو شيكا
يظهر الفسيخ والرنجه اثروا علي الاولاد
================================================
انا اللي منرفزني ان ام الاستااد مكنش فيه جمهور ايه القرف ده ..ده احنا الاول وعاملين متشاات كبيرة وبرضه الاستااد فاضي ايه الجمهووور ده ديه حااجة تسد النفس والله..انا بحسب الملعب هيكون ملياان..حاجة قرف
================================================
يدل على الهمجية اصلا ان اخر 5 دقائق تقدر تبني هجمات لكنهم بيسيبو الكورة لعبد الواحد يشوط اي حاجة وتتقطع وتضيع الكورة
يارب الدوري يكمل على خير ويبقى كفايه على حسام كدة
================================================
عاشور و ابو كونيه و العبقري الي منزلهم نجوم المباراه
بنلعب من غير خط نص عشان خاطر العند و احلي مافي المباراه تبديل الدقيقه
58
رهيييب .. ملعون ابو حررقة الدم دي الي الواحد فيها
================================================
الفهلوة ليها وقت و تنتهي مش كل ماتش يا حسام الفريق ميقدمش مستوى متوسط حتى و هيكسب بقالنا اكتر من 5 ماتشات على التوالي دوون المستوى بس بنكسب بالفهلوة و الحظ و توفيق ربنا حد يفهمني ازاي ابراهيم صلاح يقعد احتياطي لعاشور الادهم ده مبيعرفش يستخلص ولا بيعرف يباصي هو حسام فاكر ان اللاعب الكويس هو اللي عنده حماس اكتر من التاني اقسم بالله حسام ده بلاص كبير و ربنا موفقة جامد حد يجيب ماتش من اول الدوري كله كان مستوانا عالي فيه كل الماتشات بنبقى م..... و نكسب اما شيكا يبقى فايق او بتوفيق ربنا
================================================
نفسي بس شيكابالا و حسين ياسر يتفرجوا على نفسهم النهاردة و يدوهم عقود يحطوا المبالغ اللي ذمتهم ترضاها على مستوياتهم دي
================================================
والله المفروض نفرح اننا متغلبناش
مالدينوف ده جبان لو كان عايز يكسب كان كسب
احنا كان للازم نعرف اننا هنتنيل اول ماشفنا عمرو بيعرضها
================================================
ياجماعة مش اتقال ان الماتش هيتلعب الساعة 8 ايه اللى لعبه بدري
ده انا بحول على دريم الساعة 8 الا عشرة علشان اتفرج لاقيت الماتش في الدقيقة 87
================================================
حد يقول لحسام يطرد ابوكونيه من النادى او يروح هو واخوه الحكايه مش ناقصه علل
================================================
زي ما قولت من الول مش مستني دوري من فرقة انضف مهاجم فيها خروف و نجمها لما يقفش يقعد شهر عقبال ما يغتكر الكورة
================================================
بس أبو كونيه مستواه بيتطور ... كمدافع للفرق المنافسة.
================================================
يا عم والله احنا بنضحك علي نفسنا
اللعيبة دي مش هي اللي تنافس علي بطولة النفس الطويل والمواقف النفسية الصعبة ,,
الزمالك كفريق أقرب ما يكون لأي فريق عادي لا يزيد عليه غير وجود لاعيب عالي بس نرجسي اسمه شيكا وجمهور واعلام واهتمام فقط
95% من لعيبة الزمالك لعيبة عادية زيها زي اي لعيبة في باقي فرق الدوري
الطبيعي اننا لا ناخد دوري ولا يحزنون وغير الطيعي اننا نكسب بطولة زي دي ,, وبأي حق وأي شرع يقول فرقة عندها صفتي وأدهم ومصطفي وكونيه وجعفر وتكون فرقة بطولات
================================================
حالات غباء
الصفتى-غانم-عاشور الادهم-ابو كونيه-حازم امام
دول ملهمش حل يا جماعة
عوضنا على الله
================================================
ربنا يستر بس و نرجع من الطلعتين الاسود من قرن الخروب دول بفرق نقط ولو نقطتين حتى
================================================
مطش النهاردة مشكلته كمان هيرعب حسام اصلاً و هينزل مطش المانجة مدافع زي السنة ال فاتت و لو ربنا كرمنا هنتعادل 0-0 ...
================================================
المهم إن فتح الله بعد ما ضيّع ضربة الجزاء كان مبسوط و بيطلّعلنا لسانه!!
================================================
المشكله اننا ملط من كام ماتش
بس للاسف لمكسب بيدارى على كل حاجه
من ماتش الحدود والافريقى وبتروجيت
مبنلعبش كوره اصلا
بنلعب كور عاليه من الجون للجون واحنا واحظنا بقى يكمن كوره تلطش ولا حاجه
================================================
وبتشائم بأى لعيب مش بيلعب وبيحضر المطش وينزل يلف الملعب
=======================================
والله لو علي النتيجة فعادي الواحد مكنش هيتضايق اوي 4 مطشات صعبة ورا بعض طبيعي نقع في مطش فيهم حتي لو فريق هيبقي بطل في الاخر
المشكلة ان دي حقيقتنا و دي قدراتنا و عيوبنا بتزيد مش بتقل مع الوقت
شيء محبط بغباء الزمالك بقاله 7 سنين مش عارف يجمع فرقه تليق بيه و مستنين قدرات فردية من لاعب او اتنين او شوية حظ و روح و بتاع
=======================================
انا كنت متوقع الأسوأ قبل الماتش ده كده كويس اوي الحمد لله
تعادل غير مستحق اساسا
=======================================
و الله يا عم مطشات الزمالك بقت بستني اي تمريرة وأفرح بيها اصلاً لما تحصل
=======================================
أنا عاوز أعرف إيه الفرق بين حسام و محمد صلاح واحد فران و التاني عجان
مش معقولة واحد قعد في الملاعب فوق ال 20 سنة و ما عندوش فكرة للدرجادي
أبيض من كل حاجة
=======================================
دي مش حاجه جديدة علي الزمالك هو طول عمره كده يلعب ماتش تاريخي والماتش اللي بعده يااما تعادل يااما هزيمه
تحياتي
MarwanSoudies
