مسابقة عيد الأضحى المبارك : مسابقة من هو .... من هى؟ على منتدى الدعاية و الإشهار العربى

مسابقة عيد الأضحى المبارك : مسابقة من هو .... من هى؟ على منتدى الدعاية و الإشهار العربى

السلام عليكم أخوانى و أخواتى

طبعا عارفين انى بحب دايما أعمل مسابقات خفيفة و سهلة علشان الكل يفرح و نعيد سوا بصورة جميلة مرجة

مسابقتنا النهاردة مسابقة من هو .. من هى؟

يعنى علينا نعرف مين صاحب أو صاحبة الصورة و أكيد هايكون أو هاتكون فنان أو فنانة أو ممثل أو ممثلة أو لاعب كرة أو مذيع أو مذيعة طبعا صعب أطمع و أقول شخصية عامة لأن كده هاتكون صعبة جدا لأن أكسد الشخصيات العامة كتير جدا بالوطن العربى
لذا هاكتفى بالفئات اللى ذكرتها و بالطبع عرب فقط
يعنى مش مطربين و لا مطربات و لا مشاهير أجانب

كفاية علينا العرب منهم

و علشان نصعب المسابقة حابة مش هانكتفى أن نموه أو نشوه صورة المشهور أو المشهورة
لا المرة دى هانكتفى بأننا هانديكم بس منها صورة العين


حد هايضربنى ولا لسه ؟


أيوة زى ما قريتم صورة عين المشهور او المشهورة دى من غير ما تطلعوا عينى أنا

و على المتابع هايعرف مين تكون أو يكون الشخصية دى

ياترى حد هايعرف عيون مين دى ؟

ده اللى هانعرفه النهاردة إن شاء الله بتوقيت التاسعة و النصف مساءا بتوقيت جمهورية مصر العربية و العاشرة و النصف مساءا بتوقيت المملكة العربية السعودية و بتوقيت السابعة و النصف مساءا توقيت جرينتش


طبعا لكل متابعين مسابقات منتدى الدعاية والاشهار هايعرفوا فائدة التوقيت بمسابقتنا لان دايما من اول 10 إجابات صح هايتم إختيار فائز واحد عشوائيا ليفوز معنا ب 100 إعتماد لنفسه و طبعا مش هاينسى صاحبه فى العيد و يعيد عليه ب 100 إعتماد هو كمان

أيوة يعنى عيدية ليك و عيدية لصديقك بس بشرط
صديقك يكون عندم منتدى تانى غير منتداك يعنى كل 100 اعتماد لمنتدى مختلف مش لنفس المنتدى علشان بجد بجد يكون عندنا روح المحبة و الصداقة مش طمع

و نحلى المسابقة كمان و كمان نعمل ايه تانى؟

أيوة علشان العيد يبقى أحلى و أحلى من ال 10 إجابات التانيين بالموضوع واحد تانى هايفوز ب 100 إعتماد كمان بس مش هاياخدها لنفسه هايهديه لحد تانى من صحابه و يكون من أعضاء المنتدى هنا

ههههههههههههههه طبعا العمليه زعل كده يعنى التانى يكسب و مايخدش حاجه لنفسه

هاقوله ماتزعلش انت اخدت لنفسك احلى من ال 100 اعتماد دول كسبت احترامنا كلنا و حبنا لك و كمان صديقك عرف معزتة عندك طبعا و أكيد نصيبك هايجيلك

شروط المسابقة :
1- ان تكون مساهماتك بالمنتدى هنا تعديت ال 250 مساهمة
2- أن يكون لديك منتدى على أحلى منتدى
3- أن تهدى الاعتمدات لشخص أخر على منتدى أخر و ليس لنفس المنتدى
4- أن تشارك مرة واحدة يوميا فى المسابقة

الشروط سهلة و جميلة
و ياريت كلنا نساهم فى المسابقة بروح حيادية و حب و صداقة للاخرين

و عيد سعيد عليكم

ملحوظة كل يوم فى التوقيت الموجود بالموضوع هاضع ليكم الصورة المطلوب معرفة صاحبها هنا بالمساهمة الاولى نفسها




اليوم الأول


https://2img.net/h/oi53.tinypic.com/296gqoo.jpg
من هو ؟
مع وضع لمحة عنه فى سطرين فقط
--------------------------------------
اليوم الثانى

https://2img.net/h/oi53.tinypic.com/ndo86w.jpg
من هى؟
مع ذكر 5 أعمال لها ؟

--------------------------------------
اليوم الثالث

https://2img.net/h/oi56.tinypic.com/212wwzr.jpg
من هو ؟
مع ذكر 5 أعمال له

---------------------------------------
مسابقة أمس سيتم وضعها اليوم أيضا مع المسابقة الجديدة لذا ستجدوا صورتان واحدة عن اليوم الرابع و اليوم الخامس
على من يريد الإشتراك بكلا من الصورتان أن يضع الرد عن الصورة الأولى فى مساهمة و يضع الرد عن الصورة الثانية فى مساهمة أخرى
يعنى مساهمتان منفصلتان لتجيب عن الصورتين الأتيين و ليس وضع الاجوبة بمساهمة واحدة فقط
حتى يتم أختيار الفائزين و إعطاء الفرصة للكل للمشاركة

اليوم الرابع

من هو؟
مع ذكر لمحة عنه فى سطرين

اليوم الأخير

من هو ؟
مع ذكر لمحة عنه فى سطرين