اي بسم الله.......
وجعة ..وحسرة.. وموت بالجملة
واصبح حلم الواحد فينا
كيف يلقالو جراح مندملة
وكيف ما نشعر يوم بالذلة
اي بسم الله.....
كيف في الحق بتكون العلة؟!
وام افكارنا
رمت القفة وشالت السلة
كيف يا زول قول لي اتناسى
واردع حزناً بينا اتسلى
وغايتو علينا احوال بتبكي
وحكمتو بالغة انحنا بنضحك
ووكت الحارة نقيف نتمحرك
ونخدش حيط الامل الواقف
وهدم الواقع فينا مسحك
اضحك .........اضحك
يا زول اضحك
ولو مرابك شيخ الغفلة
شيل من اترو كمان اتبرك
واهدم باقي النخوة الفوقك
اقيف في مكانك ولا تتحرك
وداير اعرف
جد داير اعرف
شن فاضللك بعد الحاصل
والبأسف على انو حصللك
يا ماشي واحساسك غايب
وشخصك حارب خطوتو ضلك
ياخ ماتفتش داخل الداخل
وعرف نفسك وين العلة
وقبل الناس اعرف لي ذاتك
واصلحا شان تنصلح الملة
شكلك يا آدم فوتَ
وخلق الواقع فيك انحلَ
ووين يا حوا مكانك هسي
غير البيت..النار..الحلة
وانت الكورة..النادي ..الشلة
ووحياة الله ........
كل الناس ميزانم جلا
وجعة ..وحسرة.. وموت بالجملة
واصبح حلم الواحد فينا
كيف يلقالو جراح مندملة
وكيف ما نشعر يوم بالذلة
اي بسم الله.....
كيف في الحق بتكون العلة؟!
وام افكارنا
رمت القفة وشالت السلة
كيف يا زول قول لي اتناسى
واردع حزناً بينا اتسلى
وغايتو علينا احوال بتبكي
وحكمتو بالغة انحنا بنضحك
ووكت الحارة نقيف نتمحرك
ونخدش حيط الامل الواقف
وهدم الواقع فينا مسحك
اضحك .........اضحك
يا زول اضحك
ولو مرابك شيخ الغفلة
شيل من اترو كمان اتبرك
واهدم باقي النخوة الفوقك
اقيف في مكانك ولا تتحرك
وداير اعرف
جد داير اعرف
شن فاضللك بعد الحاصل
والبأسف على انو حصللك
يا ماشي واحساسك غايب
وشخصك حارب خطوتو ضلك
ياخ ماتفتش داخل الداخل
وعرف نفسك وين العلة
وقبل الناس اعرف لي ذاتك
واصلحا شان تنصلح الملة
شكلك يا آدم فوتَ
وخلق الواقع فيك انحلَ
ووين يا حوا مكانك هسي
غير البيت..النار..الحلة
وانت الكورة..النادي ..الشلة
ووحياة الله ........
كل الناس ميزانم جلا
. 
