واسوق بلد
أنا نفسي
أقراك في البخِت
يفضحني ودعك في الأرض
لامن تخمشك فيني بنوت التراب
وينفره وشي من الضحك
شان بت هواي
قارياك فنجان بالغلط
وست الودع أميه تب
لا شافت الكتاب زمان
لا فك ليها الشيخ ربط
وأنا نفسي أشوفك في السماء
شان بس أغيظ بنوت نعش
سمحات براهن ما أظن ...!!
أمونه بت حاج النعيم بتشابهن
و بخيته بت التوم كمان بتلامحن
و النعمه بت حاج الفكي في مشيته تشبه
مشيهن وقدلتن
وأنـــا زيهن
أنــا منهن
كضاب يمين إن قلت لي ما بشبهن
في غبشتن دخان عواسة كسرتن
صوت الرحايا وطقطقة ود قمحهن
دفق اللبن من ضرعهن
أنــا بشبهن في طبعهن
سمرة دواخل بشرتن
في غبشتن أنا بشبهن
وأنا نفسي أقراك بالجٌهر
وبي سري همس التمتمه
في قيفة النيل من فجُر
أنا ناويه أشتت فيك تواريب المُنا بتلاقحن ..!!؟؟
شان السمك من البحر
لامن يفز يلقاك مطنبج بالهنا
وأنا نفسي أرقص بس معاك بالكمبله
ومعاك أسوي الهودنه
وزغروده من حوش العوض
ونحاس حنين تُم تُم عشق
من غير غلط
أنا نفسي أقراك في الدواخل
يا ولد واسوق بلد
والنيل تساب
شان في عي*-تم الحذف. كلمة غير محترمة لا يسمح بها في هذا المنتدى-* أنا بت
مطنبجه بالعتاب
و كل الحنين جواي
ليك بالغ النصاب
أنا نفسي
أقراك في البخِت
يفضحني ودعك في الأرض
لامن تخمشك فيني بنوت التراب
وينفره وشي من الضحك
شان بت هواي
قارياك فنجان بالغلط
وست الودع أميه تب
لا شافت الكتاب زمان
لا فك ليها الشيخ ربط
وأنا نفسي أشوفك في السماء
شان بس أغيظ بنوت نعش
سمحات براهن ما أظن ...!!
أمونه بت حاج النعيم بتشابهن
و بخيته بت التوم كمان بتلامحن
و النعمه بت حاج الفكي في مشيته تشبه
مشيهن وقدلتن
وأنـــا زيهن
أنــا منهن
كضاب يمين إن قلت لي ما بشبهن
في غبشتن دخان عواسة كسرتن
صوت الرحايا وطقطقة ود قمحهن
دفق اللبن من ضرعهن
أنــا بشبهن في طبعهن
سمرة دواخل بشرتن
في غبشتن أنا بشبهن
وأنا نفسي أقراك بالجٌهر
وبي سري همس التمتمه
في قيفة النيل من فجُر
أنا ناويه أشتت فيك تواريب المُنا بتلاقحن ..!!؟؟
شان السمك من البحر
لامن يفز يلقاك مطنبج بالهنا
وأنا نفسي أرقص بس معاك بالكمبله
ومعاك أسوي الهودنه
وزغروده من حوش العوض
ونحاس حنين تُم تُم عشق
من غير غلط
أنا نفسي أقراك في الدواخل
يا ولد واسوق بلد
والنيل تساب
شان في عي*-تم الحذف. كلمة غير محترمة لا يسمح بها في هذا المنتدى-* أنا بت
مطنبجه بالعتاب
و كل الحنين جواي
ليك بالغ النصاب
. 
