( اشبعتني من غيبتك وارويتني حزن وسهر ) لـ محمد بن عبدالهادي المري

ياليل جيت وفي مجيك هاجس القلب احتدم
الهاجس اللي في قدومك للمجاريح اشتهر

غزيتني وانا صويب ٍ في وطن حبه خدم
وضحيت بي لكن تعلمت ودرست من الدهر

ان الهوى ناقص قلوب ٍ وافيه كذب وندم
وان الوفاء عند اليدين القاصره حزن وقهر

وانا عساني يا حبيبي من وجودك ما عدم
اشبعتني من غيبتك وارويتني حزن وسهر

بنيت بك حلم على سطح الاماني وانهدم
انهد في لمح البصر وبنايته في كم شهر

يا وجد حالي وجد منهو بالمقادير اصتدم
وضاقت به الدنيا وهو ماله حزام ولا ظهر

امسى على ضحك ٍ من امه لكن الصبح انصدم
توفت امه وانطعن فالكبد والقلب انصهر

وقعد يون من الالم ما عاد سار به القدم
يكتم ونينه وان تذكر ضحكها لجله جهر

عليك ياللي رغم بعدك في خفوقي لك خدم
وان جابك الطاري لقلبي فاح ريحان وزهر

محبتك ماهي جديده في حياتي من قدم
دفعت فيها راحتي ورقاد عيني لك مهر

وغديت مثل اللي على ربه من الدنيا قدم
والا صويب ٍ طعنته فالصدر والا فالظهر

اسرفت في حالي عساني من وجودك ما عدم
حتى لو ان حبك مكلفني وملحقني سهر

شكرااااااااااااااااااااااااااااااااا لك