[size=21]يا أول حروف الغلا .. كان الغلا حرف وتدبير
....................... يا أعذب غلاي إن كان لك عين وتشوفيني
يا اول هماليلٍ ساقها لي سايق الخير
.......................لارضٍ همالٍ تيّبس بها عالي جبيني
يا أول نواةٍ لها بداخل القلب تقدير
.......................غنّى لها فكري يوم اطربت بين ايديني
يا أحلى الجمال اللي ما عرف مثله الغير
.......................يا دانةٍ مرباعها ما بين قلبي وعيني
يا روضةٍ في حرّها غرّد الطير
.......................وفي حسنها ضاع النظر شمال ويمني
يا اللي غزاني حبكم من دون تحذير
.......................واعلن علي الحرب بارضي ومياديني
اجتاحني في لحظة من غير تفكير
.......................اجتاحني وأنا اللي به .. مستهيني
وجتني على كيفي سواة المقادير
.......................ساقت لي المزيون في طرف عيني
عز الله إني سارقك ولا احتاج تبرير
.......................يا أول نواة الفكر وأغلى سنيني
وأول قرار باخذه من غير تفكير
.......................أبسكن ديارك لاجل تسكنيني
وثاني قرارٍ ما بقى لي بك معاذير
.......................لو ما سكنتك يا بعد كلّي وعيني
وآخر قرار .. أبختصر كل المشاوير
.......................يمك عسى كل خيرك يجيني
يا جنة الدنيا وأغلى الغلى والتعابير
.......................والله أحبك وأحبك لو ما تبيني
