موسيماني خد افريقيا محدش قاله شكرا ، كله طلع ينظر و يهاجم الأداء رغم إن الجمهور كان بيتمنى البطولة بأي شكل و اي تمن و اي طريقة
خد كاس مصر محدش قاله شكرا
وصل نص نهائي كاس العالم محدش قاله شكرا واتقال الدحيل دا طنطا تكسبه وراح الدحيل كسبان بطل اسيا بكل سهوله
خسر من اقوى فريق في العالم و بيمتلك خبرة و مهارة و قوة بدنية و ذهنية و فنية أعلى بسنين ضوئية عن أي نادي في العالم و كله طالع يهاجمه .
على بعد ماتش واحد من اكبر إنجاز حققه جوزيه مع الجيل الذهبي في كاس العالم للاندية و لو حققه برضو مش هيعجب و هتلاقي فئة بتهاجم عشان عايزه تهاجم مش اكتر
هجوم من الاعلام المصري من اول يوم وصل فيه مصر لحد النهاردة..
النهاردة خالد بيومي و يعقوب السعدي بيحملوه الماتش و بيتهموه بالجبن
موسيماني بيتمارس عليه أوضح انواع العنصرية و الجحود اللي ممكن تشوفهم .. لو كان راجل اوروبي ابيض كان الكلام اتغير
موسيماني لو جاب كاس العالم و افريقيا 3 مرات ورا بعض مش هيعجب البعض برضو و هيكتبوا ملاحظاتهم على طريقة اللعب و الأداء
افتكروا ان الراجل اللي اول خسارة ليه مع الاهلي امبارح ، دا بقاله شهور ومعملش اي فترة اعداد واخد الفريق على السخن ويخرج من بطولة يخش في بطولة ويخرج من ماتش يخش في ماتش ، الراجل دا طلب صفقة جناح سوبر ومجاش طلب صفقة مهاجم سوبر واتزنقنا وجيبنا بواليا وربنا يكرمنا فيه
الراجل ماشي كويس على قد الجيل اللي بيتبني معاه ومش مُقصر لحد دلوقتي ، فا ياريت عزبة المحنكين تخف شوية وندعم الراجل اللي مخربش الدنيا يعني
كل الدعم المدير الفني للفريق
Lelentle Mosimane 
