اقتراح للاداره

السلام عليكم و رحمه الله و بركاته
اخواني الكرام اقترح تصفير جميع الاقسام
يعني جعل المنتدى فارغ ننقل كل حاجه باقسام مخفيه
و نفتح اقسام جديده و نغربل المواضيع الحاليه اللي مليانه تشوهات و اشهارات عشوائيه و ننقلها تباعا بعد فحصها لمكانها الطبيعي
هي الشغله متعبه شويه بس هتفيد 
بعدين في حاجه انا مش عاجباني
كميه الرتب دي
يعني المنتذى فيه اداره كتير
سابقا الرتب دي مطلوبه عشان الشغل يتنظم انما دلوقت الكل همه الوحيد يكون مدير الاشراف ميت
طيب مهو احنا كنا اداره سابقا عشان ندير الفريق
و الفريق كان يعمل مساهمات عشوائيه عشان يبقى مدير
و الكل نسي الاقسام و المواضيع و شغل المنتدى 
بقينا نهتم ازاي ننظم اقسام الفريق و سبنا المنتدى بدون تنظيم و بدون مواضيع حصريه
مهي الحكايه لو عشان نوصل اداره يبقى اي حد واثقين فيه من الفريق نسلمه لوحه اداره و يبقى عنوان رتبته مشرف
القصد
انا حابب اشتغل حد حابب الفكره و لا نسيبها كده خربانه
كمان ايه فايده حد يبقى هنا مؤسس و المنتدى منهار و مش بيتحرك
طب هو ايه الغرض من المنتدى
لو للتسليه يبقى بندفع فلوس للفريق ليه
و لو للربح يبقى فين الربح ده
ياريت نقاش عميق بالموضوع ده عشان نعرف نشتغل ازاي او انسحب تماما عشان مش هنستفاد حاجه كل مره نرجع نشتغل و بعدها نسيب المنتدى

طيب فين المشكله منعمل كده

المحترف الذهبي كتب:

طيب فين المشكله منعمل كده

انا مقلتش بسرعه انا بقول ان اللي انت قلته مفيهوش مشكله

طيب حبيبي بالانتظار

بص عقلي فقد عقله معك ي إبراهيم 

على العموم معاكم

ماشي يا ريس 
مين فاضل

انا معاكم كمان جميل جدا

فاضل مين يا حبايبي

إن تصفير المنتدى سيؤدي الى انهيار وفقدان الزوار رسميا وعدم تسجسل اعضاء جدد لان اللب الزوار في حقيقة الامر ياتون اصلا من خلال مواضيع لا علاقة لها بتخصص الاشهار،. لذلك ومن اجل سيرورة عمل هاتهوالفكرة علينا اولا تطبيقها في قسم الاشهار فقط لا غير كبداية وتنضيفه جيدا فكما نعلم اشهار الاعضاء لمنتدياتهم يدخل علينا زوار كذلك ومفيدة للاشهار اكثر مما نتصور، يجب دراسة هاتهوالخطوة جيدا قبل الاقدام عليها لانها نقطة انطلاق بدون عودة

بخصوصك يا ابراهيم كيف برا بالقسم مكتوب كاتب الموضوع ابو ادهم ولما ادخل القاك انت وليه لما اضغط على ابو ادهم يطلعلي بروفايلك وليه سميت نفسك ابو ادهم اصلاااااااا هو انت لحقت تنجب ومش مخبرني ليه نباركلك، ولييييه ماتحذف نفسك من المؤسس كمان وتريحنااااااا هههههههههه

طب خلي ياسين يجي يرد عشان نوصل حل مفيهوش تاثيرات
ههههههه ده سر المهنه يا واد هههه

السلام عليكم 

لقد اطلعت على الموضوع و كل الردود

انا مع ومؤكد بخصوص تنظيف وتصفير القسم لكن هدا الامر يجب ان يتم كالتالي :

1 - لا يتم تصفير الاقسام كلها دفعة واحدة 
2 - يتم اختيار قسم واحد فقط يتم تصفيره ونقل كل مواضيعه لقسم ثاني ويتم تصفيته وتنظيف ونقل المواضيع المفيدة فقط واعادتها للقسم (مع مراعات دون حذف القسم السابق لانه رابطه مؤرشف بجوجل)
3 - يتم العمل قسم تلو آخر وليس كل اقسام دفعة واحدة ، حتى لا يظل المنتدى فارغ

يبقى خلاص كده نبدا شويه شويه
انا اول واحد في التطوع للعمل مين معايا
و عندكم حد بالفريق نخليه يساعدنا و لا نتكفل احنا فقط بالامر ده

المحترف الذهبي كتب:

يبقى خلاص كده نبدا شويه شويه
انا اول واحد في التطوع للعمل مين معايا
و عندكم حد بالفريق نخليه يساعدنا و لا نتكفل احنا فقط بالامر ده

وانا معك حبيبي

يا اخوان
عايزين تشتغلو و لا مش عايزين
مينفعش استنى يوم كامل لكل شخص عشان يرد
و احنا مجموعه
كده عشان اسمع راي اي حد باي حاجه احتاج اسبوع

المحترف الذهبي كتب:

يا اخوان
عايزين تشتغلو و لا مش عايزين
مينفعش استنى يوم كامل لكل شخص عشان يرد
و احنا مجموعه
كده عشان اسمع راي اي حد باي حاجه احتاج اسبوع

يا غالي منا بسال بعدها مين من المشرفين هيشتغل معانا محدش بيرد

هيما حبيب قلبيي خلينا نشتغل نبدا

تمام بكرا انا الان فاتح فون
اي حد يعمل قسم مخفي يظهر فقط للاداره و الاداره العليا ينقل جميع مواضيع قسم الاشهار فيه
بكره هنظم قوانين و ننقل بناء عليها
اي حد عنده ملاحظه على القوانين خليه يقول عشان نعدل لاني لو هطرح كل موضوع اتسنى ردودكم هنتاخر

هيعمله الان اسلام

اقترح فتح عدة اقسام مخفية بنفس اسماء الاقسام اليةهننقل منها المواضيع

سيبو الموضوع شويه و بكرا هتفهمو تفاصيل كامله