حد منكم شمّ رائحة العشر من ذي الحجة 
أعظم 240 ساعة في السنة أصبح بيننا وبينهم أيام قليلة
الأيام دي ممكن تمثل ليك مسار جديد في حياتك
تسونامي العشر
تسونامي ده زلزال رهيييب لما بييجي مفيش حاجة بتقف قدامه 
عشر ذي الحجة ده زلزال للقلوب
اللي نامت ، اللي ماتت ، اللي أحبطت ، اللي يأست 
و اللي امتلأت شهوات وشبهات
عاوزين نتعرض فيه لشحنة إيمانية تنسف الشهوات والشبهات اللي في قلبك 
أنت قلبك ده ساحة معركة مع الشيطان 
خد بالك لما الشيطان بيضحك عليك في معصية بينكت في قلبك نكتة سوداء 
يعني مستوطنات شيطانية جوا قلبك
يعني منطقة محتلة و الشيطان رفع رايته السوداء عليها
طب والحتة من قلبك اللي لسة متحطش فيها النكت السوداء دي هي
الأماكن المحررة اللي لسة الشيطان مسيطرش عليها دي
و عشان تبدأ تسترد الحتت اللي احتُلت من قلبك لازم الأول تنطلق من الأراضي المحررة
ابحث عن الحتة اللي لسه سليمة في قلبكإيه العبادة اللي أنت لسة بتحبها
قراءة القرآن
الصيام
الصدقة
قيام الليل
إيه ...
انطلق في معركة تحرير قلبك من الحتة السليمة من قلبك 
الشيطان عنده جيوش بيحاول يوقفهم أمامك عشان متحررش الحتت المحتلة في قلبك 
طب وأنت بقى الجيوش في قلبك إيه ساعة اِلتحام الجيش بتاعك مع جيش الشيطان لازم يبقى معاك أسلحة خفيفة
لما العدو يقرب منك والخطر يقرب أوي دي اللي هتنقذك
طب إيه الاسلحة الخفيفة بتاعتك
سلاح ذكر الله 
تسونامي العشر
زلزال على الذنوب ، زلزال على الشيطانلأن الشياطين مش مصفدة زي ما في رمضان
يعني بينك وبينه معركة حقيقية
تسونامي العشر
زلزال على العجز والكسل وضعف الهمة شباب كتير بيقول مش قادر أتوب مش قادر أصلي مش قادر ...
الشكاوى كتير والرابط ما بينها كلها كلمة مش قادرعاوزين نخرج من العشر بهمة تانية و بوجهة تانية و بإرادة تانية
تسونامي العشر
زلزال على الفشل وعلى التأخر ياللي رمضان ضاع عليك ياللي أنت أول مرة تستقبل موسم من مواسم العبادة وحاسس أن فيه كتييير أوي راح عليك حاسس أنك اتسبقتالعشر دول ممكن تخرج منهم إنسان تاني
أنت عارف أن الإمام الأوزاعي بيقولك :
أن العبادة في يوم من أيام العشر دول بأجر غزوة
يعني أنت ممكن تخرج منهم بأجر عشر غزوات في سبيل الله
