يوم هبّ الوقت وأعماني عجاجه
..................الفرج عيّا .. وأنا بالصبر راهي !
ويوم مال وطاآاآل ميله وأعوجاجه
..................رحت أدوّر شي ٍ يشد إنتباهي !
وشفت زولك مقبل ٍ مثل إنفراجه
..................كنّه اللي جايبٍ عزّي و جاهي
ياآاآه ياضيقات صدري وإبتهاجه
..................تذكر آخر مرة ٍ شفتك ..متى هي !
صاحبك من يومها زاد إحتياجه
..................وأمتطى ظهر المصايب والدواهي !
سولف الليله على قلبي و ناجه
..................من بقى لي غيرك أفخر به وأباهي !
يابعد من كدّر غيابي مزاجــه
..................ويابعد من مرّت حروفه شفاهي !
رغم حيرة قلبك ورغم إنزعاجـــه
..................الزمن .. ماغيّر احساسه تجاهي !
ورغم وحشة بعدك ..و ( قسوة سياجه )
..................كل حاجــــه فيك ظلّت مثــل مــاهــي !
الخجل في وجهك أول مـ نتواجه
..................والبراءه في عيونك وأنت ساهي !
