تحريتك على درب القصيد من ثلاث شهور

تحريتك على درب القصيد من ثلاث شهور
وحشا ما مات لك غصن يشف الماي بجذوره ..

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره ..

وانا ما كان لي رغبه أبين واكشف المستور
ولكن الجمال أكبر من الخفاق وشعوره ..

جمال وود وعيون ودلال وكبرياء شعور
وفتنة تخذل عيون النهار وينطفي نوره ..

ولك في خافقي صوره تلاشت بين ضي ونور
أخاف اسكت من الفرحة وتنطق باسمك الصورة ..