مسلم - المرحومMuslim - L'Marhoum ( VIDEO CLIP OFFICIEL 2013 )

Muslim new song 2014

كان باقي بكري ملي مشيتي وخليتيني صغيـــــر
مشيتي على غفلة وخليتيلي فقلبي حزن كبيــر
مشيتي بالزربة حيت ربي كتبلك عمر قصيـــر
مشيتي ضغيا وخليتيني نتساءل ونحير
بقيت غير جالس فالدارنتسنا ؛ ما فاهم والـــو
يما رجعات بوحدا بلا بيك ؛ ودموعا سالـــــو
شافتلي فعيني ؛ وقالتلي آولدي بابـاك مـــات
فمي تكوانسا تقهرت ؛ واختي الصغيرة بكــات
عقلي كان باقي صغير ؛ ما استوعبشي المعنى د الموت
كانشوف ناس غراب يبكيو ؛ و يمسحو دموع الخـــوت
كانشوف الباب مفتوح ؛ كانقول مع بالي دابا تفوت 
كانشوفك فكل بيوت ؛ كنشوفك فكل قنوت 
باقي عاقل كيف عمرت الدار بكا و نواح
عيون بكات من القلب؛ و عيون بكات دموع التمساح
و دغيا كلشي تقلب ؛ أحزان ولاو أفراح 
فحال لي صافي بكينا ؛ و دموع براو الأجراح 
ءءء
فاتو ليام و شهور ؛ و فاتو شحال من سنـين 
ذكريات بقات في البال بــــــــراكـــــــــــــــــــــين 
يمكن الدموع نساو ملي نساتك العــــــــــــين 
لكن القلب مجروح؛ و باقي عليك حزيــــــــــــــــــن 
ءءء 
مشيتي من حياتي قبل ما ندرك نعرفك شكون تكون
مشيتي قبل ما ندركك ؛ نكبر نشوفو بنفس اللون 
مشيتي و أنا بقيت فذكريات الطفولة مسجون 
مشيتي و أنا بقيت عندي غير الظنون 
كانظن كنتي مكافح ؛ كانظن كنتي صبار
كانظن حيت كنتي راجل ؛ بقينا مستورين فالدار
كانظن هادشي لي كانظن عاودوه لي خوتي و الحباب 
كانظن بلي كانشبهليك ؛ يعني كنتي مهياب 
فراغ لي خليتيه فحياتي كل نهار يكبر 
نهار على نهار ؛ نفهم لغز و يبان لي سِّر 
كلما فاتو سنين ؛ كل ما تمنيت تكون قريب 
كلما شرقت شمس كا نحوقك ملي تغيب 
كل لحظة فحياتي خليتي موطعك فيها خاوي 
خليتي القلب مجروح ؛ جراح و لا دموع تداوي 
ذكريات عطشانة و بوحدك كنتي الرَّاوي
كلما زدت كبرت كلما عرفتك شنو ساوي 
ءءء 
فاتو ليام و شهور ؛ و فاتو شحال من سنـين 
ذكريات بقات في البال بــــــــراكـــــــــــــــــــــين 
يمكن الدموع نساو ملي نساتك العــــــــــــين 
لكن القلب مجروح؛ و باقي عليك حزيــــــــــــــــــن 
ءءء
واخا ليام جرات و سنين مور بعطا تدبـال 
عمرك غرقتي فبحر النسيان ؛ بقيتي فالبــال 
بقيتي فالماضي حاضر و بنيتلك فيه تمثـال 
حيت كلمة الأب ماشي غير كلمة تتقـــال 
يمكن مشيتي بلا ما رجعتي لور و لو خطــوة 
خاليتي حياتي كتاب و الصفحة ديالك عمرا تطوا 
و كتبتي فيها بلي مشيتي بكري بلا نا تنـــوا 
كبرتي فعيني كل كا زدت نضجت؛ و بقيتي قـدوة 
كانتمنا تكون مفتاخر بيا و نكون عند حسن الظن 
ملي يشكروني الناس و يقولوا هذاك ولد فـلان 
و سماحلي اذا بسبابي دكرك بالشر لسان 
و اذا قسرت فحقك حيت أنا غير انسان
هذي هي الدنيا ؛ و هذي سنة الحياة 
كـــلشي فيـــنا يـــموت الا الــــذكــريـات 
ورود ليوم كيف ورود البارح غذا تدبــال 
حيت الحاضر هو الماضي في المستقبل 
ءءء 
فاتو ليام و شهور ؛ و فاتو شحال من سنـين 
ذكريات بقات في البال بــــــــراكـــــــــــــــــــــين 
يمكن الدموع نساو ملي نساتك العــــــــــــين 
لكن القلب مجروح؛ و باقي عليك حزيــــــــــــــــــن


https://www.youtube.com/watch?v=mc-M9j1vgA4&feature=youtu.be

شكرا لك و بارك الله فيك

ششكرا لك

إبداع رائع وطرح يستحق المتابعة شكراً لك

شكرا لك

بارك الله فيك على الموضوع المميز

كل الشكر والتقدير على جهودكم