سميتك ورد بس القصد من هاي
عينه على النده ويم جدمه كل الماي
وسميتك هوى مو قصدي عايش بيك
لأن شفت الهوى يفزز ونين الناي
اشهگك واختنگ دخان بيه الكاگ
توجعني بكثر ما جنت اگول ادواي
وسميتك گمر مو لآن وجهك نور
چا گضيت ليلك ويا ناس هواي
صرتلك گنطره واني ابلم مبيوع
انزل روحي الك وتفوت من جواي
عينك ع النجم واني احترگ فانوس
ارخصلك بروحي وما چنت شراي
الگطن للينجرح ميلوگ للنداف
الميعرف قيمتي ما يفرح بملگاي
اشبهك بالبلابل مو احساس وصوت .
لآن تگعد تغرد وين ماكو فياي
وگتلك تختلف مو قصدي عن الناس
اقصد تختلف گدامي عن مگفاي
أول ما عشگتك چنت خوش انسان
وسميتك معدل بس عوجت وياي
مو ابيض الديرم بس يبيض سنون
وانت ابيض شكل بس سودت دنياي !!
من اهد ما درت وجهك مادرتلك بال
ولا جاستني دمعه ولا مضيّع راي
كافي ارگض نهر يم شفة العاگول
الشابع بالعطش ما يفتهم معناي
عينه على النده ويم جدمه كل الماي
وسميتك هوى مو قصدي عايش بيك
لأن شفت الهوى يفزز ونين الناي
اشهگك واختنگ دخان بيه الكاگ
توجعني بكثر ما جنت اگول ادواي
وسميتك گمر مو لآن وجهك نور
چا گضيت ليلك ويا ناس هواي
صرتلك گنطره واني ابلم مبيوع
انزل روحي الك وتفوت من جواي
عينك ع النجم واني احترگ فانوس
ارخصلك بروحي وما چنت شراي
الگطن للينجرح ميلوگ للنداف
الميعرف قيمتي ما يفرح بملگاي
اشبهك بالبلابل مو احساس وصوت .
لآن تگعد تغرد وين ماكو فياي
وگتلك تختلف مو قصدي عن الناس
اقصد تختلف گدامي عن مگفاي
أول ما عشگتك چنت خوش انسان
وسميتك معدل بس عوجت وياي
مو ابيض الديرم بس يبيض سنون
وانت ابيض شكل بس سودت دنياي !!
من اهد ما درت وجهك مادرتلك بال
ولا جاستني دمعه ولا مضيّع راي
كافي ارگض نهر يم شفة العاگول
الشابع بالعطش ما يفتهم معناي
