مرحبا احبتي الكرام
اخواني انا فقط حابب اتكلم بنقطه
كل شخص منكم برتبته مطلوب منه مهام معينه عشان يعملها
و انتم ما شاء الله عليكم نشيطون و متميزون دوما و كل واحد يستاهل رتبته و مبروك عليكم ترقيات يوم امس و الاوسمه
و صدقوني افرح لما اقوم بعمليه ترقيه لاي شخص لانه يدل على مجهود قوي منه
لكن يا اخوان بالله عليكم هناك شي اسمه تسلسل بالرتب
يعني مش كل شويه الاقي رساله خاصه حد بيبعتلي رابط موضوع بقسمه الخاص بيقولي عاوز رايك
او مثلا بيبلغ عن موضوع مخالف يبعتهولي
و لا بيستفسر عن حاجه يراسلني
انا اتشرف بيكم كلكم و كلي اذان صاغيه للجميع
لكن انا لما تبعتلي رابط موضوع تستفسر فيه او تقترح حاجه و اقوم رادد عليك
بكده انا لغيت دور الرتبه الاعلى منك
دي مش واجباتي دي واجبات حد اعلى من رتبتك انه يرد و لو كانت بفايده هيرفعها و هتتدرس و تتطبق لو كانت مفيده و اعتقد انكم شايفين ان اقتراحاكم المفيده بتتطبق على طول
انا متواجد يوميا و بشوف كل حاجه بتحصل لكن مينفعش ارد على كل حاجه
كل واحد في مجموعه فوقيه مسؤوله عنه تقوم بمتابعته
و لا حد يبعتلي رابط موضوع مخالف
طب اعمل ايه يعني انقله للسله؟
امال دور المشرف المتخصص للقسم ايه و رئيس الاشراف دوره ايه؟
انا مش بقفل الخاص عشان لو حد عنده امر ضروري يراسلني و ارد من عنيا بس لو تكرر امور زي دي مش هرد على اي رساله خاصه من النوع ده و لا هفتح رساله حتى لو مهمه من شخص يبعت رسائل زي دي
الخاص مفتوح للجميع باي شي مهم باي تظلم باي حاجه مهمه تستدعي اني ارد
و فريق كامل و في اداره عليا و اشراف عام يتصرفو باي حاجه
لو بقا مش مقتنع بتصرف منهم راسلني و هقول الكلمه الحاسمه بالامر
و كل سنه وانتم طيبين رمضان على الابواب وارجع اشكركم على نشاطكم مره تانيه يا ابطال
موفقين
