مابين غيابك في البلود
وما بين شقا العمر
البتاتي عشان يجيك
تبروقة بتصلي العشاء
زي نافلة
فوق قبر امها
قمرية بتحاكي الصغار
خاف لاتقع
باكر بطير
وارتاح ضميرها وهمها
وفضلتا انا
زولاً معاكس دنيتو
خطاء وقايلها ما بتزورو في محنتو
زول من شتات
كل مازمانو يلمو
ترجع دنيتو
من تاني تديهو الهواء
والشوك تحت كرعينو
فاعل فعلتو
أنا جلدي مات
الكية ... مابتفع معاي
لا الطعنة بتجب همها
أنا جلدي مات
قبال قليبي يتمها
عقب المشاوير ليه .. بتطول
كوكتيل عزاب
حبة تراب
كتاحة ضاربة
مع الهجير
براق رفع حاجبينو
ما وقت الشتاء
وكيمان عذاب .. وفضلتي غايبة
وماكى في
حورية بتناجى الوفي
مكتوبة في كتب الملايكة
رضي وثاب
محفوظ في حجب العلا
للعارف الله وحبا صاح
يادنيا هاك مفتاحك الكسرو الصباح
جايني بالليل في شنو
باكر بطير
حاجتك السمحات هناك
(واللاهي مادايرنها )
أنا والسفر
مكتوب علينا نتمها
الدنيا راحلة مهكعة
والدرب مختوم بالضياع
فالح وحاتك في الملاوة
وفي السواد
حبة تراب
كتاحة ضاربة مع الهجير
مابين غيابك في البلود
وما بين شقا العمر البتاتي
عشان يجيك
تبروقة
بتصلي العشاء زي نافلة
فوق قبر أمها
وما بين شقا العمر
البتاتي عشان يجيك
تبروقة بتصلي العشاء
زي نافلة
فوق قبر امها
قمرية بتحاكي الصغار
خاف لاتقع
باكر بطير
وارتاح ضميرها وهمها
وفضلتا انا
زولاً معاكس دنيتو
خطاء وقايلها ما بتزورو في محنتو
زول من شتات
كل مازمانو يلمو
ترجع دنيتو
من تاني تديهو الهواء
والشوك تحت كرعينو
فاعل فعلتو
أنا جلدي مات
الكية ... مابتفع معاي
لا الطعنة بتجب همها
أنا جلدي مات
قبال قليبي يتمها
عقب المشاوير ليه .. بتطول
كوكتيل عزاب
حبة تراب
كتاحة ضاربة
مع الهجير
براق رفع حاجبينو
ما وقت الشتاء
وكيمان عذاب .. وفضلتي غايبة
وماكى في
حورية بتناجى الوفي
مكتوبة في كتب الملايكة
رضي وثاب
محفوظ في حجب العلا
للعارف الله وحبا صاح
يادنيا هاك مفتاحك الكسرو الصباح
جايني بالليل في شنو
باكر بطير
حاجتك السمحات هناك
(واللاهي مادايرنها )
أنا والسفر
مكتوب علينا نتمها
الدنيا راحلة مهكعة
والدرب مختوم بالضياع
فالح وحاتك في الملاوة
وفي السواد
حبة تراب
كتاحة ضاربة مع الهجير
مابين غيابك في البلود
وما بين شقا العمر البتاتي
عشان يجيك
تبروقة
بتصلي العشاء زي نافلة
فوق قبر أمها
. 
،،
