سلام للوطن
سلاماً يا وطن ممدود علي الغيمات
بيعكس نورو في القمرا
وضوو منور النجمات
سلاماً لي طفل مولود علي الفطرة
ولا اتمجست لا اتهوَّدت لا اتنصَّرت في الفكرة
سلاماً لي شباب قايم علي الإيمان
عقيدة قوية ما بتنهار أساسا شهادة الرحمن
سلاماً لي رجال مختوتة للحوبة
طريقا عديل تقيم الليل
تصلي وتجرد السبحة
تقوم دغشاً تشد الحيل
بتزرع للسمح والزين
وتقلع للكعب والشين
ولو شافت سيول الذل
بتشهر لي سيوف العز
بتتصدى وتقيف للسيل
سلاماً يا جبال مرفوعة قامة وعز
ولا بغشاها يوم بركان
ولا زلزال يحرك لي شموخا يهز
سلاماً لي عروس اتزينت بالفضة والألماس
ولبست كل حلي الدنيا
بقت معروفة بين الناس
سلاماً لي نهر جاري ومعاهو الخير
لا جفت مياهك يوم
ولا اتنكرت لي أرضك
بعدت بعيد تفتش لي أراضي الغير
سلاماً لي قليب أماً حنانا يغازل النسمات
تصابح لي جناها تشوفو تنده لي
تعال لي يا عشا البايتات
تضمو شديد وتمطر خدو بالقبلات
سلاماً لي رويحة البن
وكت يقلوهو في الشجرة
واكون فنجانك الأبيض
مُجيَّر بي سواد البن
نهايتو الخير وكت تقراهو حبوبة
تقول خيرك كتير دفَّق
وفايض لي بعد بكرة
سلاماً لي أرض خصبة
بينبت فيها كل مألوف
ولا قلت خصوبتها يوم
ولا في يوم غشاها الخوف
سلاماً لي بحر مليان حجار ياقوت
ولا أسماك قروش بتجيك
ولا بقدر عليك الحوت
سلاماً لي كتاب تاريخ مسجل فيهو أجدادنا
من ترهاقا للمهدي وبعانخي السجل أمجادنا
سلاماً لي بلاغة فصاحة في اللهجة
ممثلة في وليد الطيب المجذوب
ولي وطنية ملموسة مجسدة فيك يا المحجوب
وألف تحية لي حرية جابا الأزهري وختاها للأجيال
بقت غنية غناها خليلنا اللفرح خيال
عازة هوينا أمجادك وحبيناك وشلناك فال
ونحنا رجال شموخنا جبال طبعنا نبال
وللعكر صفاك نضال
سلاماً ليك يا وطني
سلاماً يا وطن ممدود علي الغيمات
بيعكس نورو في القمرا
وضوو منور النجمات
سلاماً لي طفل مولود علي الفطرة
ولا اتمجست لا اتهوَّدت لا اتنصَّرت في الفكرة
سلاماً لي شباب قايم علي الإيمان
عقيدة قوية ما بتنهار أساسا شهادة الرحمن
سلاماً لي رجال مختوتة للحوبة
طريقا عديل تقيم الليل
تصلي وتجرد السبحة
تقوم دغشاً تشد الحيل
بتزرع للسمح والزين
وتقلع للكعب والشين
ولو شافت سيول الذل
بتشهر لي سيوف العز
بتتصدى وتقيف للسيل
سلاماً يا جبال مرفوعة قامة وعز
ولا بغشاها يوم بركان
ولا زلزال يحرك لي شموخا يهز
سلاماً لي عروس اتزينت بالفضة والألماس
ولبست كل حلي الدنيا
بقت معروفة بين الناس
سلاماً لي نهر جاري ومعاهو الخير
لا جفت مياهك يوم
ولا اتنكرت لي أرضك
بعدت بعيد تفتش لي أراضي الغير
سلاماً لي قليب أماً حنانا يغازل النسمات
تصابح لي جناها تشوفو تنده لي
تعال لي يا عشا البايتات
تضمو شديد وتمطر خدو بالقبلات
سلاماً لي رويحة البن
وكت يقلوهو في الشجرة
واكون فنجانك الأبيض
مُجيَّر بي سواد البن
نهايتو الخير وكت تقراهو حبوبة
تقول خيرك كتير دفَّق
وفايض لي بعد بكرة
سلاماً لي أرض خصبة
بينبت فيها كل مألوف
ولا قلت خصوبتها يوم
ولا في يوم غشاها الخوف
سلاماً لي بحر مليان حجار ياقوت
ولا أسماك قروش بتجيك
ولا بقدر عليك الحوت
سلاماً لي كتاب تاريخ مسجل فيهو أجدادنا
من ترهاقا للمهدي وبعانخي السجل أمجادنا
سلاماً لي بلاغة فصاحة في اللهجة
ممثلة في وليد الطيب المجذوب
ولي وطنية ملموسة مجسدة فيك يا المحجوب
وألف تحية لي حرية جابا الأزهري وختاها للأجيال
بقت غنية غناها خليلنا اللفرح خيال
عازة هوينا أمجادك وحبيناك وشلناك فال
ونحنا رجال شموخنا جبال طبعنا نبال
وللعكر صفاك نضال
سلاماً ليك يا وطني
. 
