أعزك الله
والله لسنا محترفين ونحن أبعد ما نكون عن الاحتراف حبيبى
لا فرق بينى وبين غيرى سوى التجربة فقط
=======================
طيب انا هبسطلك الشرح شوية
أولا: اذا كان موقعك مبني على أساس المحتوى:
اذا كان هدف موقعك هو الكثير من المحتوى و الكثير من الصفحات الداخلية..
فالقضية هنا واضحة،، لأن تركيز سيكون على محركات البحث :
معنى الجزء دة
انك لو منتداك مش متخصص فى حاجة معينة مثلا (( تصميم او برامج .... الخ ))
يعنى منتداك كأغلب منتديات العرب : منتدى متنوع
بة العاب واغانى ( استغفر الله ) وبرامج وصور .... الخ
سيكون عليك التركيز على (( الكم )) وليس (( الكيف ))
يعنى هتزود من الصفحات والمواضيع فى المنتدى
مواضيع كتير
وردود كتير
وشغل كتير فى المنتدى
ودة بالتالى اللى هيجذب محركات البحث لمنتداك ويخليها تاأرشف منتداك ويظهر بسرعة وبصورة كبيرة فى البحث
ودة اللى شرحة الأخ فارس فى النقط دى :
- اعمل على وصل صفحات موقعك ببعضها البعض جيدا.
- احصل على وصلات من مواقع ذات بايج رانك عالي او مواقع من نفس الاهتمام.
- احرص على المحتوى الاصلي و الغير منسوخ و طبعا هذا ما تريده محركات البحث.
والنقط دى معناها كالتالى
- احصل على وصلات من مواقع ذات بايج رانك عالي او مواقع من نفس الاهتمام.
يعنى اعمل تبادل اعلانى ونصى مع منتديات كبيرة ليها ترتيب كويس فى جوجل
وليها page rank عالى (( البيج رانك بيشير الى معدل ظهور وترتيب الصفحات ))
- احرص على المحتوى الاصلي و الغير منسوخ و طبعا هذا ما تريده محركات البحث.
يعنى متنقلش والسلام
ركز كويس فى موضوعاتك اللى بتكتبها وابعد بقدر المستطاع عن المواضيع المنقولة
============================
بخصوص الجزء دة :
ثانيا: اذا كان موقعك مبني على أساس خدمة تقدمها لزوارك:
مثلا يمكن أن تكون مصمم و تصمم بمقابل..
أو أن يكون موقعك مختص في مجال ضيق و لا تستطيع المنافسة في محركات البحث..
و بالتالي اذا كنت لا تستطيع المنافسة في محركات البحث فأنصحك بالتالي:
يعنى لو موقعك مش متنوع ومتخصص فى حاجة واحدة
مثلا منتدى للتصميم .. او للبرامج فقط
فى الحالة دى يا حبيبى فانت هتعتمد على (( الكيف )) وليس (( الكم ))
يعنى هتهتم كويس جدا بالمواضيع مش بعددها
لان منتداك فى الحالة دى هيكون مجال انتشارة مش واسع أوى
فانت لازم تعتمد انك تكون بتقدم خدمة (( حصرية ))
يعنى حاجة تشد الزوار والأعضاء ليك انت بس مش لمنتدى تانى
طبعا بالاضافة للتبادلات الاعلانية والنصبة مع المنتديات الكبيرة
ودة اللى شرحة الأخ فارس الدعاية فى الجزء التالى :
- قم بنشر موقعك بنفسك في المنتديات التي هي في نفس المجال..
( و هنا النشر يكون عن طريق مقابل مادي في أعلى المنتدى أو في توقيعك اذا كنت عضو).
- بما أن المنافسة شديدة في مجال موقعك الضيق،،
اذن احرص على تقديم محتوى و خدمات حصرية في موقعك و بهذا تتميز عن غيرك.
- اعمل تبادل وصلات على مجال واسع.
========================
تمام كدة حبيبى ؟؟
الشرح كدة بسيط ولا لسة فى حاجة واقفة قدامك ؟؟
