لو سمحتي ...
عيدي كل اللي تفضلتي .. وقلتي
ماسمعتك ..
لإني فعلا ً ..... كنت سالي
كنت مبحر في خيالي
مره من دونك ,, و مره معك أنتي
بـــــصــراحــه ... كنت أخونك
كنت أخــــونـــك
مع شفاياك ..... وعــيـونك
وما .. سمعتك
للضحكه اللي في شفاتك تعابير
.................. وللسلهمه اللي في عيونك سوالف
لي مع نظر عينك دروب ومشاوير
................. ولي مع سناء ضحكتك عهد وتحالف
لاقلت أسف.. تقبلين المعاذير
................ طيب فديتك ..ياهوى الروح ... أسف
سليت عنَك فيك .. مارحت للغير
................ ودامي معك سالي .. أظن مايخالـف
أناظر عيونك سماء .. والنظر طير
.............. وأراقب شفاهك ..... وأنا فيك.. تالف
المعذره .. ومادام جيتك على خير
............... نرجع نكمل ... مابقى من السوالف
العفو ... ماكنت أقصد
إنـــي أقصد
لكن .. أنتي ... بـــصراحــــه
من يسولف معك
يقصد ....
حتى لو ماكان ... يقصد
حتى لو ماكـان شاعر
بتنولد فيه المشاعر
ويمتطي صهوة خياله ... ويركب إحساسه ويبعد
ودامها عيونك ملاذه ... راح يبعد
وكل ماقرب .. بيبعد
لين مايوصل لكونك .. وقتها .. يتعب ويقعد
وتنتهي رحله .. وتبدا
مع شفاتك .. له رحله
وتأخذه الغفله .. ويقصد .. حتى لو ماكان يقصد
لانتهت رحلة عيونك ,, تبتدي رحلة شفاك
................ ولانتهت رحلة شفاتك ,, أبتدي أذبل وأذوب
أنتهي مع مبتداك ,,,, وأبتدي مع منتهاك
............... والنتيجه شوف عينك,, شمسي مالت للغروب
لأبتديتك ماأنتهيتك حتى لو شعري نهاك
............... يبقى بوحي فيك قاصر,,والمخافه من الذنوب
مع عيونك مع شفاتك طالت دروبي معاك
............... لاقدرت أوصل لشفي ولاقدرت أرجع وأتوب
يسألك يانور عيني,,قلب ذايب في حلاك
.............. لابغيت أوصل لذاتك .. أسلك أي من الدروب
إييه وش كنا نقووول
مـنـهـو كان اللـي ... يتكلم
رمشك الناعس .. حياتي .. وإلا مبسمك الخجول
وإلا ....... أنتي
منهو .. أنتي .. يابعد عمري ياأنتي
لو تكرمتي .. وسمحتي
عيدي كل اللي تفضلتي ,,, وقلتي
لإني فعلاً ... ماسمعتك
ليه .. لإني ... كـنـت .. أخـــــونــك
كنت ... أخــونــك
مع شفاياك ,,,,, وعـــيونـــك
ومــــا .. سـمـعـتـك
لحظه لحظه .... قبل تبدين الــــكـلام
كم هي الساعه معاك ؟؟
وحده ونص بالتمام .......
يووووووه ............... طولنا حياتي
قومــــــي ما ودك نــنــام
(
)
(
)
ونـــــمــنــا
(
)
(
هو أنا بالارض .. وإلا .. بالسماء عايـش أميـر
.............. هو صحيح اللي حصلي وإلا أحلم,, والسلام
هو صحيح الورد ورد .. هو صحيح الطير طير
.............. هو صحيح إني أنا اللي جالس أكتب هالكلام
آآآه يالـيـل ٍ حييته ,,, ماأظـن مـثله ,, يـــصيـر
.............. وآآآآه ,, من نـار المحبه ,, ومايسويه الغرام
للعيون إحساس غير,,, وللشفايف طعم غـيـر
.............. وللمنام بحضن ( ,,,, ) جــد مـامـثـلـه مـنـام
ياصباح الخير دامك .. ممسي البارح بـخـير
............. ياخفوق ٍ ذاب كـلـه ,,, بـين تــدلـيع,,وهــيــام
الحياه بقرب غـالـي .. لــذه ونـشـوه وعـبـيـر
.............. ماألومك ياخفوقي ,, ماعلى مثلك ,, مــــلام
من يجرب ماتجرب ,, يايذوب أو يـايـطيـر
............ ويحلف إنه كـان عـايش في متاهات وضـلام
ليلة البارحه قليله ,, بـس يـافـيها ,, كـثـيـر
............ ياكثير ٍ من قليله .. يكفي ... المحتاج ,, عــام
وللعيون إحساس غير,, وللشفايف طعم غير
............. وكل ماأسمع إسم ( ,,,,) قلت.. ياحلو المنام
