السلام عليكم
مساء الخير
___________________
لي حق ترضيني ولك حق ارضيك
مهما حصل تبقى حقيقة حياتي
يا شاغل التفكير بالله وش فيك
شغلتني حتى وانا في سباتي
اخطيت واعرف ما مدى غلطتي ذيك
ومنك السموحه يا عظيم الصفاتي
روحي ترى يا مالك الروح تفديك
ما لي سوى حبك يلملم شتاتي
وما لك ترى غيري بـ هالكون يبغيك
وما لي ترى غيرك عليّه يحاتي
صوتي ينادي لك وصمتي يناجيك
لنّك هلاكي وانت فرصة نجاتي
احترت من كثر الغلا ويش اسميّك
واخترت من شوقي اسميّك ( ذاتي )
ابـعـتـذر واظـلّ عمري اراضيك
وابقى على بابك .. لـ لحظة وفاتي ..
وسلامتكم
