.. أنســـــاني الله يحفظك ..
أصعب مساحات الألم جرح يجي وسط الشعور
وأتعب مواقف دنيتي تبكي وأجفف مدمعك
ماكان لي باللي حصل لظروفنا خبره ودور
ماقصدي آجرح .. وآبتعد وآهجر بقسوه وأوجعك
موقف وكان بآخره صفحه تغطيها السطور
قصه وفجأه انتهت ... قبل التقي بك واسمعك
عجزت أوضح صورة في داخلي تهوى الظهور
عجزت أحدد موقفي منك ,, وأحدد موقفك
حاولت أرجع صورة طاحت من أيام وشهور
وآحساس جارف داخلي ينهاني أرجع وارفعك
كل المشاعر داخلي صارت بلا حبك قبور
وأجمل عواطف دنيتي كانت بعيني مرجعك
لو كان حبك وردة ,, كان احترق عطر الزهور
وإلا تحول صورةٍ,, في كل لحظه تصفعك
ماكنـت أظـن إحسـاسنـا ممكـن مـع الضيقـه يبـور
ولا حسبتك ترتجي شوقي وآعاند وآمنعك
ليلٍ يطول ومايجي له بعد طول الليل نور
حب يموت ,, ويشتكي ويرد .. فجأه يتبعك
ماعاد بيدي آنفعل ,, وآزعل ,, آعاندهم ,, وآثور
ماعاد فيني آشتكي وآسمع كلامك وآقنعك
طيفك ,, وخنته ,, وآعترف كلي معك قسوه وجور
دامي نثرتك في الهوى لا يمكن آرجع وآجمعك
حاولت آنسى وآنسحب هذا هو العالم يدور
إنسـانـي الله يحفظـك ويكـون بـآحـزانـك معـك
منقـوله
أتمنى أن تروق لكم ..
