السلام عليكم
منقول للشاعر سداح
_
يا الله طلبتك من كرم فضلك في هاليوم الفضيل / وانت الكريم ورحمتك ما تنقفل بيبانها
أحفظ بلادي وأمنّه في كل صبح وكل ليل / وأستر عليه من الفتن بأشكالها وألوانها
هاذي سنه وأهل البلد في ودّ هات .. وحطّ شيل / والمجتمع فيه المشاكل راقص ٍ شيطانها
ونسيجه اللي من قديم الوقت من نفس الفصيل / قام يتمزّع ويتقطّع والدلايل عانها
قاموا عليه المغرضين يولّعونه بالفتيل / ابو جهل وابو لهب وأم العبر وأخوانها
مظاهره ومشاجره وعلوم من هذا القبيل / واللي يعدّون الحقايق ضيّعوا برهانها
في كل ليله نسمع لونانة الشرطة عويل / تنطح مسيرات الشباب المعلنه عصيانها
راحت هجاد رقود والمقرود يرقص للهبيل / وبين الثنين الحيه الرقطاء تمد لسانها
نشكي على الله ما حصل في وجه وحدتنا الجميل / مخدوش ومشوّه من الفتنه ومن عربانها
دموعنا ماهي بحاجة قنبله حتى تسيل / سالت قهر والقنبله ما ثارت بدخانها
لا أخطى طويل العمر قلنا يا عسى عمره طويل / هاذي سلوم اهل المكارم تحترم شيخانها
عز الله إنّا عن ولي الأمر ما نرضى بديل / لكن عسى الله يصلح لكل الولاه أبطانها
والمجلس اللي لا يجيب ولا يودّي يستقيل / لا بارك الله بانتحابات ٍ تذلّ أوطانها
الله يعجل بالفرج لين المحن عنّا تزيل آمين قولوا .. والكويت بأمنها وأمانها
