وأخيرا هل الدستور

وأخيرا هل الدستور
واتجهز وخرج للنور
وخلاص هنصوت وهنصرخ
وهنزعق ونقول دستوووووور
وبلادى صبحت محروسه
بالمولى وبنور الدستور

يا اسيادنا خلصنا الدستور
وهنمشى فى الحق وفى النور
والعدل هنظبط موازينه
وهنخلص م الظلم وم الزور

ولا فينا حاكم يتفرعن
ولا نائب يظلم ويجور
ولا واحد يكبش ويحول
ما خلاص انكشف المستور
ولا قاضى يظلم ويهدد
العدل ياساده هيدور

وان ظالم حاول يتجبر
هنزعق وهنهتف ونثور
الكل اتساوى يا اسيادنا
ما خلاص وصل المذكور
يابلادى سعيده ومبارك
بنقولك أهلا بنجور
فأخيرا هل الدستور
واتجهز وخرج للنور

خالد مجاهد 29 \ 11 \ 2012


http://forum.elbyan-elporsaidy.com/viewtopic.php?f=14&t=31428&sid=809b5d39bd49dc8c93c6bc29f66235ce

يسلمووووو

اشكرك على تشريفك موضوعى

اشكرك على كلماتك الطيبه
ولكنها ليست منقولات بل كلماتى