خانت أيامي لشاعره أشواق السعودية

ان بغيت احكي وش اللي فيه اقول
تعجز حروفي وتخذلني المعاني
بعد حكيه صابني صمت وذهول
صوته اذهل مسمعي صوته خذاني
تاهت حروفي وانا طبعي خجول
والحكي يعجز على نطقه لساني
ثابتٍ حبه بقلبي ... مايزول
مانسيته لو هوى قلبه نساني
جبتله كل الوسايل والحلول
ودي احلم به ولو حتى ثواني
حظي اعوج والصبر يمكن يطول
ويش اسوي يوم يخذلني زماني
خانت ايامي وانا ودي الوصول
للحبيب اللي بحبه احتواني
دارت الدنيا ولامنها ننول
غير همٍ مندثر وسط المحاني
ذاهبين وعمرنا لو هو يطول
ناصل لوقتٍ بها كل شي فاني
ربي اعطانا احاسيس وعقول
ونعرف المظلوم من ظالم وجاني
زاهدين ومانبي حب الرجول
ومانذل النفس لفلان الفلاني
ساسي ان العشق له حد وأصول
وان تزل الرجل لي قلب يعصاني
شيمة اهل الطيب زاهين الفعول
صاينين الحب طاهر لايهاني
صعب ابنطق والحكي اللي بي يجول
يلمحه بعيونه وقلبه قراني
ضيه ونوره حضن قلبي الملول
لين احيا قلبي ونوره كساني
طمّن القلب الذي صابه خمول
وضمّه بلهفه وغطاه بحناني
ظني ان الحب يغلبه العذول
مادريت انه على قلبي كواني
عادت الافكار بالقلب العجول
وذكرتني في ليالي الحب ثاني
غربةٍ قضيتها صولٍ وجول
اضحك بوجه الزمان اللي بكاني
في حياةٍ لابها رفض وقبول
غصبٍ ارضاها ولو حزني كفاني
قسمة الله مالنا عنها عزول
ربي اللي ماخذ وربي عطاني
كم رمتني في ثقيلات الحمول
وصفقت بي لين هدت بي كياني
لملم اوراقه وحالي في ذبول
راح عني مايهمه لو أعاني
ماصحيت الا على دق الطبول
فرحتي اكبر من احساسٍ لفاني
نقبله محبوب لايرسل رسول
له بوسط القلب منزال ومكاني
هذي كلماته بها قول معسول
ذوّب احساسي معه حتى شجاني
وانعش احساسي بعد ماهو مخذول
هو ملأ دنياي وحسسني بأماني
يعني بكل الوسايل والحلول
والله اني ماأرده لو نصاني

شكرا لك ع ـالطرح المفيد
تسلم ايديك

جزاكم الله خيرا علي المرور

بارك الله فيكم علي المرور
جزيتم خيرا