والله وشبت يا عبد الرحمن
عجزت يا واد؟ مسرع ميتى وكيف
عاد يعجز اللى فى بلاده غير الى يعجز ضيف
هلكولك النسوان شفتك مرة فى التليفزيون
ومره ورونى صورتك فى الجورنال
قلت كبر عبد الرحمن
امال على كده مت بقالى ميت حول
والله خايفه يا ولدى القعده تطول
مات الشيخ محمود وماتت فاطنه اب قنديل
واتباع كرم اب غبان وانا لسه حيه
وباين هاحيا كمان وكمان ؟
عشت كتير عشت لحد ما شفتك عجزت يا عبد الرحمن
وقالولى قال خلفت وانت عجوز خلفت يا خوى بنات
امال كنت بتعمل ايه طول ا لعمر اللى فات
دلوقتى ما فقت
وجايبهم دلوك تعمل بيهم ايه
على كل اهى ريحه من ريحتك على الارض
يونسوا بعض ماشى يا عبد الرحمان
اهو عشنا وطلنا منك بصه وشمه
دلوك بس ما فكرت ف يامنه وقلت يا عمه
حبيبى انت يا عبد الرحمان
والله حبيب وتتحب
على قد ما سارقك الغربه لكن ليك قلب
مش زى ولاد الكلب اللى نسيونى زمان
حلوة مرتك وعويلاتك والا شبهنا
سميتهم ايه قالولى ايه ونور
مش عارف تجيبلك حته واد ؟ ولا اقولك
يعنى اللى جبناهم نفعونا فى الدنيا بايه ؟
غيرش الانسان مغرور
ولسه يامنه هتعيش وهاتلبس
لما جايبلى قطيفه وكستور ؟
كنت اديتهمولى فلوس اشترى للركبه دهان
اباى ما مجلع قوى ياعبد الرحمن
طب انا ليا ست سنين مزروعه فى ضهر الباب
لما طلوا على احبه ولا اغراب
خليهم ينفعوا اعملهم اكفان
كرمش وشى فاكر يامنه وفاكر الوش؟
اوعى تصدق الدنيا .... غش فى غش
اذ جاك الموت يا وليدى موت على طول
اللى اتخطفوا فضلوا احبا ب .... صاحيين فى القلب
كإن محدش غاب.. واللى ماتوا حته حته
ونشفوا وهما حيين حتى سلامو عليكم ما بتعدى بره الاعتاب
اول ما يجيلك الموت افتح .... اول ما ينادى عليك اجلح
انت الكسبان اوعى تحسبها لها حساب
ولا ولد ولا بنت ...ده زمن يوم ما يصدق كداب
سيبها لهم بالحال والمال وانفد اوعى تبص وراك
الورث تراب ... وحيطان الايام طين
وعيالك بيك مش بيك عايشين !!!!!
بوه يا رمان..مشوار طولان واللى يطول يوم عن يومه يا حبيبى حمار
الدوا عاوزاه لوجيعه الركبه مش لطواله العمر
اوعى تصدق الوانها صفر وحمر .... مش كنت جميله يا واد
مش كنت وكنت .... وجدعه تخاف منى الرجال
لكن شفتونى فين ....كنتوا عيال!!!
بناتى رضيه ونجيه ماتوا وراحوا وانا اللى قعدت طيب يا زمان
اوعى تعيش يوم بعد عيالك .... اوعى يا عبد الرحمن
فى الدنيا هموم اشكال والوان
الناس مبتعرفهاش اوعرهم لو هتعيش بعد عيالك ما تموت
ساعتها بس هتعرف ايه هو الموت !!!!
اول ما يجى لك نط .لسه بتحكى لهم بحرى حكايه فاطنه وحراجى القط ؟
آ....باى ما كنت شقى وعفريت من دون كل الولدات كنت مخالف
براوى ..... وكنت مخبى فى عي*-تم الحذف. كلمة غير محترمة لا يسمح بها في هذا المنتدى-* السحراوى تمللى حاجات
زى الحدايه ... تخوى ع الحاجه وتطير
منصغرك بضوافر واعره ومناقير..... بس مكنتش كداب
وادينى استينت فى الدنيا لما شعرك شاب !!!!
قدم البيت .. اتهدت قبله بيوت وبيوت .... اصيل هوه
مستنينى لما اموت !!!!!1
حاتجيى العيد الجاى ؟ واذا جيت حاتجينى لجاى ؟؟؟؟
وهتشرب مع يامنه الشاى
حاجى يا عمه ..... وجيت
لا لقيت يامنه ولا لقيت البيت....!!!!!!!
عجزت يا واد؟ مسرع ميتى وكيف
عاد يعجز اللى فى بلاده غير الى يعجز ضيف
هلكولك النسوان شفتك مرة فى التليفزيون
ومره ورونى صورتك فى الجورنال
قلت كبر عبد الرحمن
امال على كده مت بقالى ميت حول
والله خايفه يا ولدى القعده تطول
مات الشيخ محمود وماتت فاطنه اب قنديل
واتباع كرم اب غبان وانا لسه حيه
وباين هاحيا كمان وكمان ؟
عشت كتير عشت لحد ما شفتك عجزت يا عبد الرحمن
وقالولى قال خلفت وانت عجوز خلفت يا خوى بنات
امال كنت بتعمل ايه طول ا لعمر اللى فات
دلوقتى ما فقت
وجايبهم دلوك تعمل بيهم ايه
على كل اهى ريحه من ريحتك على الارض
يونسوا بعض ماشى يا عبد الرحمان
اهو عشنا وطلنا منك بصه وشمه
دلوك بس ما فكرت ف يامنه وقلت يا عمه
حبيبى انت يا عبد الرحمان
والله حبيب وتتحب
على قد ما سارقك الغربه لكن ليك قلب
مش زى ولاد الكلب اللى نسيونى زمان
حلوة مرتك وعويلاتك والا شبهنا
سميتهم ايه قالولى ايه ونور
مش عارف تجيبلك حته واد ؟ ولا اقولك
يعنى اللى جبناهم نفعونا فى الدنيا بايه ؟
غيرش الانسان مغرور
ولسه يامنه هتعيش وهاتلبس
لما جايبلى قطيفه وكستور ؟
كنت اديتهمولى فلوس اشترى للركبه دهان
اباى ما مجلع قوى ياعبد الرحمن
طب انا ليا ست سنين مزروعه فى ضهر الباب
لما طلوا على احبه ولا اغراب
خليهم ينفعوا اعملهم اكفان
كرمش وشى فاكر يامنه وفاكر الوش؟
اوعى تصدق الدنيا .... غش فى غش
اذ جاك الموت يا وليدى موت على طول
اللى اتخطفوا فضلوا احبا ب .... صاحيين فى القلب
كإن محدش غاب.. واللى ماتوا حته حته
ونشفوا وهما حيين حتى سلامو عليكم ما بتعدى بره الاعتاب
اول ما يجيلك الموت افتح .... اول ما ينادى عليك اجلح
انت الكسبان اوعى تحسبها لها حساب
ولا ولد ولا بنت ...ده زمن يوم ما يصدق كداب
سيبها لهم بالحال والمال وانفد اوعى تبص وراك
الورث تراب ... وحيطان الايام طين
وعيالك بيك مش بيك عايشين !!!!!
بوه يا رمان..مشوار طولان واللى يطول يوم عن يومه يا حبيبى حمار
الدوا عاوزاه لوجيعه الركبه مش لطواله العمر
اوعى تصدق الوانها صفر وحمر .... مش كنت جميله يا واد
مش كنت وكنت .... وجدعه تخاف منى الرجال
لكن شفتونى فين ....كنتوا عيال!!!
بناتى رضيه ونجيه ماتوا وراحوا وانا اللى قعدت طيب يا زمان
اوعى تعيش يوم بعد عيالك .... اوعى يا عبد الرحمن
فى الدنيا هموم اشكال والوان
الناس مبتعرفهاش اوعرهم لو هتعيش بعد عيالك ما تموت
ساعتها بس هتعرف ايه هو الموت !!!!
اول ما يجى لك نط .لسه بتحكى لهم بحرى حكايه فاطنه وحراجى القط ؟
آ....باى ما كنت شقى وعفريت من دون كل الولدات كنت مخالف
براوى ..... وكنت مخبى فى عي*-تم الحذف. كلمة غير محترمة لا يسمح بها في هذا المنتدى-* السحراوى تمللى حاجات
زى الحدايه ... تخوى ع الحاجه وتطير
منصغرك بضوافر واعره ومناقير..... بس مكنتش كداب
وادينى استينت فى الدنيا لما شعرك شاب !!!!
قدم البيت .. اتهدت قبله بيوت وبيوت .... اصيل هوه
مستنينى لما اموت !!!!!1
حاتجيى العيد الجاى ؟ واذا جيت حاتجينى لجاى ؟؟؟؟
وهتشرب مع يامنه الشاى
حاجى يا عمه ..... وجيت
لا لقيت يامنه ولا لقيت البيت....!!!!!!!
