السـلام عليكـم ورحمـة الله وبركـاتـه
صبـحكـم مسـآكـم الله بالخيـر
أقـدم بيـن أيديـكـم مجمـوعـه مـن قصـائـد
الشـاعـر الـرائـع المبـدع :
سفيـر الشعـر : عبـدالكريـم الجباري الشمـري
( جنـدي بالحـرس )
قـالـت عـلامـك يـافتـى سـارح عـن الدنيـا بعيـد
هـو هـم ولا غـم ولا أنـك معـذب فـالـولـه
قلـت أيـه هـمـي صفقتـن بنيـوز لنـدا والسـويـد
وأربـع مصانـع فـي مصـر كلـن يبـي أمـولـه
وكميـة ضاعـت علي مـن المعـادن والحـديـد
وحسـابـي اللي بالبنـوك أزريـت كيـف أحـوله
مـن كثـر مـا أملـك أنـا فـي كـل ساعـه يستزيـد
البنـك يبغـى توسعـه مـن مـالـي اللي فـولـه
عمـار ودي أهدمـه ثـمن أعيـده مـن جديـد
وعقـار مـدري أتركـه ولا كمـان أطولـه
ماغيـر مـاسـك مصحفـي واقـرا مـن العلـم الحميـد
خايـف مـن عيـون المـلا وخـايـف مـن المتسـوله
يـابنـت عقلـي مستجـن عنـدي مـن أفكـار عديـد
مشـروع فـي بـالـي ثبـت بس الفكـر متجـولـه
يـابنـت يعنـي وش يكـون اللي خـذا فكـري بعـيـد
يعنـي برايـج وش يكـون اللـي بنـا متهـولـه
جنـدي كويتـي بالحـرس خيـط على متنـي وحيـد
وجالـس أفكـر عطلتـي بـأقصـى الشهـر أو فـوله
(يـا قلـب )
يـاقلـب لا جـت بـارده طـالبـك عـي
كـم واحـد جتـه المـلاييـن عيـا
عـرف حيـاتـك كل أبوهـا ولا شـي
لا صـار مـالـك مع غنـى النفـس شيـا
بالله وشهـي لبسـت البشـت والزي
والقلـب عـاري مـا تلبسـه زيـا
كـم واحـد فـي وسـط قبـره وهـو حي
علمـه تخـلـد بيـن الأجنـاس حيـا
عسـى هـذيـك العاقبـه بالذكـر لـي
طيـب يقـولون العـرب ذاك لـيـا
ياقلـب مـاعمـري كليـت اللحـم نـي
أهـل القفـ،ـا تـاكـل مـن اللحـم نيـا
يـاقلـب نبجـي بالعـرب يلتهـب ضـي
أصلـي مـع العربـان نور تضيـا
مـن لابتـن لغلـوك قـالو بعـد حي
فـجبـال سلمـى تسكـن بكـل حيـا
حمـر الجبـال اللـي بهـا منبـع الفـي
تجمـع منـاعيـر للجـواد فيـا
وغريـر أبـن عـدي ولـد حاتـ م الطـي
جـدي وجـدي مـن كريميـن طيـا
يـاقلـب لا جـت بـارده طـالبـك عـي
قـل الجباري بذلـت النفـس عيـا
( الجيـب )
الجيب والقرناس وخوة هل الطيب
تسوى مقـابلـت العـرب فالمدينه
ماسبّهم واعرف انا مابهم عيب
بس الهوى ياهل الهوى حد لينه
عزبه وخيمه والصحاري مضاريب
وابـو ثـلاث شهـور تـو صالخينه
ومعلقينه من كراعه على الجيب
والبن الاشقر تونا حامسينه
شبّت حطب ماهي بشبة عياسيب
ارطا وعرفج يمنّا حاطبينه
واليا سنت شب الجروم اللواهيب
قام المقهوي قّرب الماء بدينه
ركّب دلال مجلدات المقاظيب
رسـلان من سوق الحفر جالبينه
صفـر تلالا يطعمن المشاريب
تبعد عن انفوس العباد الغبينه
واليا احتمى ماهن يشيل المراكيب
يحط كيفن بالنجر طاحنينه
فنجال ونص وردهن يمه قريب
وجاب البريج وسكره في بطينه
وحطه على صفه هذيك المهاذيب
والبن فاح وركده في سكينه
وجاب الدلال الي يعرف المواجيب
ثنتين غير الي بهن عاملينه
مجنون كيف ورتب الامر ترتيب
حط البهاروريح هيله يازينه
ثم زلهن لين استوى باخر السيب
وحطه بناره ربنا لاتهينه
وقال اقدعوا تمر حلو توّه امجيب
اخلاص من دار الحسا محظرينه
ثم صب فنجاله ومابه عذاريب
والله على الفنجال تسلم يمينه
مجربن ماهوب يحتاج تجريب
اي والله انا كلنا مجربينه
مافيه ظيف وكل ابونا معازيب
والشاي خدر والورق حاكرينه
وعقب القهاوي والسوالف مطاليب
كل يناظر للمواتر بعينه
نبي نهيّف فوق روس المراقيب
وانفّرع القرناس لاجل السمينه
اليا خطفها خطفتن بالمخاليب
تبري النفوس الضيقات الحزينه
واليا انتهى المقناص جبنا مكاسيب
والحر الاشقر عقبها مبرقعينه
ونمشي ونلقا يمّنا فطر شيب
ومفرود يطرد من ورى امه تنينه
وسط النفود ولانمر الشخانيب
نخاف من ظرب الحصى فالمكينه
ووساع صدر ونطقنا بالتراحيب
واعقولنا هي العقول الرزينه
ياليت لي دورن بغوج الاطانيب
وانسى حضارات الخراب وسنينه
اخير من طرد البنات الرعابيب
واحدن تسمّع من عذابه ونينه
ممشاي صح وخوتي للاشانيب
رجل يصد اعن المراجل ياشينه
( تجربـة حـب )
الحب كنه لعب حظ ويانصيب
مرات حظ اوفر ومره تكسبه
والي فشل بالتجربه ماهوب عيب
من الاساس نقول هذي تجربه
العيب لا واجهتلك اصدق حبيب
شاريك من بد العباد وتعقبه
والعيب لاوقفت من دون القليب
لانتا عطيت الماء ولاانك تشربه
والعيب لاناظرتلك ايات طيب
لافاعلن مثله وتبغى تنسبه
واكبر خطا لاجات من يد الطبيب
زله وزلات الطبيب محسبه
واكبر خطا لاخوّن السان الأديب
والا السفيه ان جات محدن ناشبه
واكبر خطا من قال بنساب العريب
لاحاشمن نفسه ولاحشم شنبه
واكبر خطا التحقير بإنسانن غريب
ولا عرف وش هو ولاعرف نسبه
مايفهم المقصود ياكود اللبيب
الي يجدّف بالفهامه مركبه
والحب كنه لعبه حظ ويانصيب
مرات حظ اوفر ومره تكسبه
( سفيـر الشعـر )
لفــاني حلم ياصعب تعبيره
وحيرني عسى فالامـر خيــره
سوادن بالسما والبرق قبله
ومـن قو الهوى تسمع صفيره
طرالي شي واحد قلت يمكن
سنــا شعرن يطالب بتحضيره
وانا لي مــزنـة لاقلت وينك
اشـــوف بعينها دهشه وحيره
بخليها تصــب بكــــل وادي
ألين السـيل يـرعبك بهـديره
واخليها تفرع في شــغايـــا
وامشي كل سيلن مــــع محيره
واذا راحت لاجا والا لسلمى
ارددهـا قـبل مـفـرق سمـيـره
مادام ان جدنا حاتم سكنهــا
يحقـلنا الـفخـر في كل ديـره
واذا هالنور به شخصن يغطه
فــلا يقــدر على شمس الظهيره
تسمع للشعر والخافي اعظم
وشوف الوسم تــعرف مـن بعيره
انا مــاني ببـو زيــد الهلالي
ولا كـابرت مـثـل ابـن المغيره
ابن عدي الغريري لو سمحتوا
سفير من عــرب شبه الجزيره
انا بلسان اخــو مريم بجــــدد
وفانا مع محـبتنا الكـبيره
تحية سيدي صبـــــاح الاحمد
الى شعب الامـــاراتي واميره
من لسان الصباحي للفلاحي
تحية ورد يــــزها في عبيره
اذا في كــل دوله لـه سفاره
ففي لسـان الشعر انا سفـيره
انا ما يسمع الاصقه كلامي
ولا راعتني العين الضــريره
انا يفهم كلامي كل عـــــاقل
واقول الشعر لعقولن بصيره
اذا صار الشعر مافيه حكمه
فهذي تعتبر حــــاجه خطيره
ابي لامت وش اللي يتخـلـد
اذا كـانت لكل انسان ديــره
بعد موتتك تلقى شي واحــد
يـا ذكرن بالفخر والا المعيره
وكل انسان له طيحه وزلـه
ولابـــد الرجل يحكم ضمـــيره
احد غض البصر خوفن من الله
واحد عينه على بيت القصيره
ترى اللي به حيا يلقى وقــاره
ومن مـابه حيـا يلقى الحقيره
احد يصبح غني في ذل نفسه
غني لــكـن معه نفسن فقيــره
يعيش الادمي مـــاهو محصل
سوى المكتوب له بامره يستديره
وترى الرجال لو كب الجماعه
غــدى مـثل المعلم بالقـصـيره
نعم لو غزلك راســـه ضعيف
وش الرجال مـن دون العشـيره
خلقنا الله من شعوب وقبايل
وكــلن حــافظن دلــوه وبيره
وكل انسان لــه حق يتفاخر
ولكــن لا يهضم حقـــوق غيره
ترى لو تختلف فينا العوايد
بنا فـزعه بنا شيمه وغــيره
ولكن كـــل شي ولــه وقته
زمــان الجـد الاول طار طيره
مثل فزعاتنا اول في البنادق
وزرق رماح وسيوفن شطيره
لكن اليوم صارت بالرسايل
تـدز الـرقم برســاله قصيره
وانا ماجيت اجرب فعل ربعي
لهم في مضرب الفزعات سيره
طنايا لو رضينا مارضينـــا
تصـــير الاوله مـثل الاخـيره
طنايا وافخر بكــل الطنايـــا
ســوى في نجد والا فالجزيره
وسبع تنعام في كل القبايــل
وكلن يشرب المــا من غديره
ولامني طلعت بوجهن ابيض
كسبت اصداء ووجيهن سفيــره
( قـال الفـراق )
قال الفراق ؟...وقلت ....وش عاد ....يعني
منّاك يالله لو سمحت اقطع الصوت
واشوى.....!..بحزّة قلتها ..ماسمعني
وش ..عاد يعني......!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد...؟..وقلتله مامنعني
مكثر من اعناد(ن) على لعب بيلوت
وقال الغرور...؟..وقلتله ....مارفعني
ماظنتي بأن الكبر يعمر بيوت
قال التواضع....؟...قلت بالله .....طعني
خلك عليه بذمتي تقطف التوت
قال التسّرع....؟...قلتله ماتبعني
ماينفعك لاصيّحوا فاتك الفوت
وقال الصحيح..؟؟...وقلت طبع(ن) .طبعني
ماهو لباسن تلبسه لبسة الكوت
وقال الشعر.....؟....قلت الشعر ماوسعني
يكفيك بندر والفراوي وبخّوت
بالله كف.....عن السؤال ودعني
يعني خلاص الصمت لولو وياقوت
قال الفراق......؟..وقلت وش عاد...يعني
بكل برود ومادريت انه الموت
( خلنـي )
لاقلتلك خلّني تكفا تخليني
النفس ظاقت وتعرف من مظيقها
ماني بحاجه علومك لو تسليني
بعّد عن العين واحسن لو تفارقها
لاظقت انا حتى روحي ماتدانيني
واليا هدا البال غربها وشرقها
لو كان غيرك حرام انه يحاكيني
لو كان كل الدروب البيض يطرقها
تدري...؟ وش اللي ذبحني والبلا فيني
بعرف عروق الغلا وشلون تسرقها
يمكن تكون الخيانه من شراييني
والا حظوظك يجوز الله موفقها
ماقلت لحدن سوى امي يابعد عيني
وشلون خليتني لعيونك انطقها
ياروح روحي ياقلبي يابساتيني
يابسمه العين ليه العين ترهقها
والله من زود حبك صنت رجليني
ماشفتني يوم اسوق الرجل وافهقها
انا بصفك واظّيع وانشدك ويني
وشلون لارحت جدراني اصفقها
ماتدري اني شريتك يوم تشريني
عشان حبك ابيع الخلق واحرقها
ارجوك لاشفتني ظايق تخليني
واليا هدا البال غربها وشرقها
(مـع السـلامـه )
مع السلامه مابقا لك معـي شيـن
كود الغـلا لاتاخـذه لـو تكرمـت
كانك تبي بالدين خذها على الديـن
وكانك تبيها بالعقل .....?ماتندمـت
لاني عرفـت ان كلبونـا مساكيـن
ياما على حالي وحالـك ترحمـت
فكر وشوف دروب قلبك على وين
وشفيك طالع طقتـك... ماتعلمـت؟
والله صافطلك وشفـت الطريقيـن
ماني عـدوّك لـو كـذا ماتكلمـت
يابوي ربي ماقسـم بيـن الاثنيـن
وش حيلتي يامـا ويامـا تعشمـت
مبطي وانا من عام تسعه وتسعيـن
ايه اعترف عن شوف غيرك تلطمت
لا عاد لي قلبن ولاعاد لـي عيـن
ايه اعترف والعـام هـذا تفهمـت
حطيت نفسي بعدهـا بيـن قوسيـن
عرفت بأنـه حلـم لـو ماتحلمـت
نضحك على انفسنا واحبك وبعدين؟
لاعاد ترجـع للـورى ولاتقدمـت
يابـوي والله كلبـونـا مساكـيـن
مع السلامه واتركن لـو تكرمـت
صبـحكـم مسـآكـم الله بالخيـر
أقـدم بيـن أيديـكـم مجمـوعـه مـن قصـائـد
الشـاعـر الـرائـع المبـدع :
سفيـر الشعـر : عبـدالكريـم الجباري الشمـري
( جنـدي بالحـرس )
قـالـت عـلامـك يـافتـى سـارح عـن الدنيـا بعيـد
هـو هـم ولا غـم ولا أنـك معـذب فـالـولـه
قلـت أيـه هـمـي صفقتـن بنيـوز لنـدا والسـويـد
وأربـع مصانـع فـي مصـر كلـن يبـي أمـولـه
وكميـة ضاعـت علي مـن المعـادن والحـديـد
وحسـابـي اللي بالبنـوك أزريـت كيـف أحـوله
مـن كثـر مـا أملـك أنـا فـي كـل ساعـه يستزيـد
البنـك يبغـى توسعـه مـن مـالـي اللي فـولـه
عمـار ودي أهدمـه ثـمن أعيـده مـن جديـد
وعقـار مـدري أتركـه ولا كمـان أطولـه
ماغيـر مـاسـك مصحفـي واقـرا مـن العلـم الحميـد
خايـف مـن عيـون المـلا وخـايـف مـن المتسـوله
يـابنـت عقلـي مستجـن عنـدي مـن أفكـار عديـد
مشـروع فـي بـالـي ثبـت بس الفكـر متجـولـه
يـابنـت يعنـي وش يكـون اللي خـذا فكـري بعـيـد
يعنـي برايـج وش يكـون اللـي بنـا متهـولـه
جنـدي كويتـي بالحـرس خيـط على متنـي وحيـد
وجالـس أفكـر عطلتـي بـأقصـى الشهـر أو فـوله
(يـا قلـب )
يـاقلـب لا جـت بـارده طـالبـك عـي
كـم واحـد جتـه المـلاييـن عيـا
عـرف حيـاتـك كل أبوهـا ولا شـي
لا صـار مـالـك مع غنـى النفـس شيـا
بالله وشهـي لبسـت البشـت والزي
والقلـب عـاري مـا تلبسـه زيـا
كـم واحـد فـي وسـط قبـره وهـو حي
علمـه تخـلـد بيـن الأجنـاس حيـا
عسـى هـذيـك العاقبـه بالذكـر لـي
طيـب يقـولون العـرب ذاك لـيـا
ياقلـب مـاعمـري كليـت اللحـم نـي
أهـل القفـ،ـا تـاكـل مـن اللحـم نيـا
يـاقلـب نبجـي بالعـرب يلتهـب ضـي
أصلـي مـع العربـان نور تضيـا
مـن لابتـن لغلـوك قـالو بعـد حي
فـجبـال سلمـى تسكـن بكـل حيـا
حمـر الجبـال اللـي بهـا منبـع الفـي
تجمـع منـاعيـر للجـواد فيـا
وغريـر أبـن عـدي ولـد حاتـ م الطـي
جـدي وجـدي مـن كريميـن طيـا
يـاقلـب لا جـت بـارده طـالبـك عـي
قـل الجباري بذلـت النفـس عيـا
( الجيـب )
الجيب والقرناس وخوة هل الطيب
تسوى مقـابلـت العـرب فالمدينه
ماسبّهم واعرف انا مابهم عيب
بس الهوى ياهل الهوى حد لينه
عزبه وخيمه والصحاري مضاريب
وابـو ثـلاث شهـور تـو صالخينه
ومعلقينه من كراعه على الجيب
والبن الاشقر تونا حامسينه
شبّت حطب ماهي بشبة عياسيب
ارطا وعرفج يمنّا حاطبينه
واليا سنت شب الجروم اللواهيب
قام المقهوي قّرب الماء بدينه
ركّب دلال مجلدات المقاظيب
رسـلان من سوق الحفر جالبينه
صفـر تلالا يطعمن المشاريب
تبعد عن انفوس العباد الغبينه
واليا احتمى ماهن يشيل المراكيب
يحط كيفن بالنجر طاحنينه
فنجال ونص وردهن يمه قريب
وجاب البريج وسكره في بطينه
وحطه على صفه هذيك المهاذيب
والبن فاح وركده في سكينه
وجاب الدلال الي يعرف المواجيب
ثنتين غير الي بهن عاملينه
مجنون كيف ورتب الامر ترتيب
حط البهاروريح هيله يازينه
ثم زلهن لين استوى باخر السيب
وحطه بناره ربنا لاتهينه
وقال اقدعوا تمر حلو توّه امجيب
اخلاص من دار الحسا محظرينه
ثم صب فنجاله ومابه عذاريب
والله على الفنجال تسلم يمينه
مجربن ماهوب يحتاج تجريب
اي والله انا كلنا مجربينه
مافيه ظيف وكل ابونا معازيب
والشاي خدر والورق حاكرينه
وعقب القهاوي والسوالف مطاليب
كل يناظر للمواتر بعينه
نبي نهيّف فوق روس المراقيب
وانفّرع القرناس لاجل السمينه
اليا خطفها خطفتن بالمخاليب
تبري النفوس الضيقات الحزينه
واليا انتهى المقناص جبنا مكاسيب
والحر الاشقر عقبها مبرقعينه
ونمشي ونلقا يمّنا فطر شيب
ومفرود يطرد من ورى امه تنينه
وسط النفود ولانمر الشخانيب
نخاف من ظرب الحصى فالمكينه
ووساع صدر ونطقنا بالتراحيب
واعقولنا هي العقول الرزينه
ياليت لي دورن بغوج الاطانيب
وانسى حضارات الخراب وسنينه
اخير من طرد البنات الرعابيب
واحدن تسمّع من عذابه ونينه
ممشاي صح وخوتي للاشانيب
رجل يصد اعن المراجل ياشينه
( تجربـة حـب )
الحب كنه لعب حظ ويانصيب
مرات حظ اوفر ومره تكسبه
والي فشل بالتجربه ماهوب عيب
من الاساس نقول هذي تجربه
العيب لا واجهتلك اصدق حبيب
شاريك من بد العباد وتعقبه
والعيب لاوقفت من دون القليب
لانتا عطيت الماء ولاانك تشربه
والعيب لاناظرتلك ايات طيب
لافاعلن مثله وتبغى تنسبه
واكبر خطا لاجات من يد الطبيب
زله وزلات الطبيب محسبه
واكبر خطا لاخوّن السان الأديب
والا السفيه ان جات محدن ناشبه
واكبر خطا من قال بنساب العريب
لاحاشمن نفسه ولاحشم شنبه
واكبر خطا التحقير بإنسانن غريب
ولا عرف وش هو ولاعرف نسبه
مايفهم المقصود ياكود اللبيب
الي يجدّف بالفهامه مركبه
والحب كنه لعبه حظ ويانصيب
مرات حظ اوفر ومره تكسبه
( سفيـر الشعـر )
لفــاني حلم ياصعب تعبيره
وحيرني عسى فالامـر خيــره
سوادن بالسما والبرق قبله
ومـن قو الهوى تسمع صفيره
طرالي شي واحد قلت يمكن
سنــا شعرن يطالب بتحضيره
وانا لي مــزنـة لاقلت وينك
اشـــوف بعينها دهشه وحيره
بخليها تصــب بكــــل وادي
ألين السـيل يـرعبك بهـديره
واخليها تفرع في شــغايـــا
وامشي كل سيلن مــــع محيره
واذا راحت لاجا والا لسلمى
ارددهـا قـبل مـفـرق سمـيـره
مادام ان جدنا حاتم سكنهــا
يحقـلنا الـفخـر في كل ديـره
واذا هالنور به شخصن يغطه
فــلا يقــدر على شمس الظهيره
تسمع للشعر والخافي اعظم
وشوف الوسم تــعرف مـن بعيره
انا مــاني ببـو زيــد الهلالي
ولا كـابرت مـثـل ابـن المغيره
ابن عدي الغريري لو سمحتوا
سفير من عــرب شبه الجزيره
انا بلسان اخــو مريم بجــــدد
وفانا مع محـبتنا الكـبيره
تحية سيدي صبـــــاح الاحمد
الى شعب الامـــاراتي واميره
من لسان الصباحي للفلاحي
تحية ورد يــــزها في عبيره
اذا في كــل دوله لـه سفاره
ففي لسـان الشعر انا سفـيره
انا ما يسمع الاصقه كلامي
ولا راعتني العين الضــريره
انا يفهم كلامي كل عـــــاقل
واقول الشعر لعقولن بصيره
اذا صار الشعر مافيه حكمه
فهذي تعتبر حــــاجه خطيره
ابي لامت وش اللي يتخـلـد
اذا كـانت لكل انسان ديــره
بعد موتتك تلقى شي واحــد
يـا ذكرن بالفخر والا المعيره
وكل انسان له طيحه وزلـه
ولابـــد الرجل يحكم ضمـــيره
احد غض البصر خوفن من الله
واحد عينه على بيت القصيره
ترى اللي به حيا يلقى وقــاره
ومن مـابه حيـا يلقى الحقيره
احد يصبح غني في ذل نفسه
غني لــكـن معه نفسن فقيــره
يعيش الادمي مـــاهو محصل
سوى المكتوب له بامره يستديره
وترى الرجال لو كب الجماعه
غــدى مـثل المعلم بالقـصـيره
نعم لو غزلك راســـه ضعيف
وش الرجال مـن دون العشـيره
خلقنا الله من شعوب وقبايل
وكــلن حــافظن دلــوه وبيره
وكل انسان لــه حق يتفاخر
ولكــن لا يهضم حقـــوق غيره
ترى لو تختلف فينا العوايد
بنا فـزعه بنا شيمه وغــيره
ولكن كـــل شي ولــه وقته
زمــان الجـد الاول طار طيره
مثل فزعاتنا اول في البنادق
وزرق رماح وسيوفن شطيره
لكن اليوم صارت بالرسايل
تـدز الـرقم برســاله قصيره
وانا ماجيت اجرب فعل ربعي
لهم في مضرب الفزعات سيره
طنايا لو رضينا مارضينـــا
تصـــير الاوله مـثل الاخـيره
طنايا وافخر بكــل الطنايـــا
ســوى في نجد والا فالجزيره
وسبع تنعام في كل القبايــل
وكلن يشرب المــا من غديره
ولامني طلعت بوجهن ابيض
كسبت اصداء ووجيهن سفيــره
( قـال الفـراق )
قال الفراق ؟...وقلت ....وش عاد ....يعني
منّاك يالله لو سمحت اقطع الصوت
واشوى.....!..بحزّة قلتها ..ماسمعني
وش ..عاد يعني......!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد...؟..وقلتله مامنعني
مكثر من اعناد(ن) على لعب بيلوت
وقال الغرور...؟..وقلتله ....مارفعني
ماظنتي بأن الكبر يعمر بيوت
قال التواضع....؟...قلت بالله .....طعني
خلك عليه بذمتي تقطف التوت
قال التسّرع....؟...قلتله ماتبعني
ماينفعك لاصيّحوا فاتك الفوت
وقال الصحيح..؟؟...وقلت طبع(ن) .طبعني
ماهو لباسن تلبسه لبسة الكوت
وقال الشعر.....؟....قلت الشعر ماوسعني
يكفيك بندر والفراوي وبخّوت
بالله كف.....عن السؤال ودعني
يعني خلاص الصمت لولو وياقوت
قال الفراق......؟..وقلت وش عاد...يعني
بكل برود ومادريت انه الموت
( خلنـي )
لاقلتلك خلّني تكفا تخليني
النفس ظاقت وتعرف من مظيقها
ماني بحاجه علومك لو تسليني
بعّد عن العين واحسن لو تفارقها
لاظقت انا حتى روحي ماتدانيني
واليا هدا البال غربها وشرقها
لو كان غيرك حرام انه يحاكيني
لو كان كل الدروب البيض يطرقها
تدري...؟ وش اللي ذبحني والبلا فيني
بعرف عروق الغلا وشلون تسرقها
يمكن تكون الخيانه من شراييني
والا حظوظك يجوز الله موفقها
ماقلت لحدن سوى امي يابعد عيني
وشلون خليتني لعيونك انطقها
ياروح روحي ياقلبي يابساتيني
يابسمه العين ليه العين ترهقها
والله من زود حبك صنت رجليني
ماشفتني يوم اسوق الرجل وافهقها
انا بصفك واظّيع وانشدك ويني
وشلون لارحت جدراني اصفقها
ماتدري اني شريتك يوم تشريني
عشان حبك ابيع الخلق واحرقها
ارجوك لاشفتني ظايق تخليني
واليا هدا البال غربها وشرقها
(مـع السـلامـه )
مع السلامه مابقا لك معـي شيـن
كود الغـلا لاتاخـذه لـو تكرمـت
كانك تبي بالدين خذها على الديـن
وكانك تبيها بالعقل .....?ماتندمـت
لاني عرفـت ان كلبونـا مساكيـن
ياما على حالي وحالـك ترحمـت
فكر وشوف دروب قلبك على وين
وشفيك طالع طقتـك... ماتعلمـت؟
والله صافطلك وشفـت الطريقيـن
ماني عـدوّك لـو كـذا ماتكلمـت
يابوي ربي ماقسـم بيـن الاثنيـن
وش حيلتي يامـا ويامـا تعشمـت
مبطي وانا من عام تسعه وتسعيـن
ايه اعترف عن شوف غيرك تلطمت
لا عاد لي قلبن ولاعاد لـي عيـن
ايه اعترف والعـام هـذا تفهمـت
حطيت نفسي بعدهـا بيـن قوسيـن
عرفت بأنـه حلـم لـو ماتحلمـت
نضحك على انفسنا واحبك وبعدين؟
لاعاد ترجـع للـورى ولاتقدمـت
يابـوي والله كلبـونـا مساكـيـن
مع السلامه واتركن لـو تكرمـت
