يا دبلة الخطوبة.......... عقبالنا كلنا
عايزة تتجوزى عايز تتجوز
اتصل بينا على 090000000000000000000000
وداعا للعزوبية
اتصل وسيب الباقى علينا
.........................................................................
ما الجواز بقى سهل اهه يا شباب
ايه يا بنات
احنا شكلنا احنا اللى بنتدلع بقى
أنا لما بسمع الاعلان ده بييجى فى دماغى كدة كام سؤال
اول سؤال: هو يعنى البنت اللى هتتصل دى بتكون رخيصة ولا عايزة تعف نفسها؟
تانى سؤال: هو الشاب اللى هيعمل كدة خلاص بالزمة مش لاقى ولا بنت قدامه ولا حتى بنت الجيران ولا نظره ضعف؟
وآخر سؤال: ياترى بقى بيختاروا شريك الحياة ده على اساس ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وهو ده اللى انا عايزة اوصل له
الناس اللى بتخار دى بتختار على اساس ايه؟
على اساس ان الاتنين بيحبوا مطرب واحد ولا الاتنين بيحبوا لعبة واحدة ؟
بصوا يا شباب
وانتوا يا بنات
هو المفروض مين اللى يختار لنا اهم حاجة فى حياتنا ؟
ايوة زى ما سمعتم بالظبط اهم حاجة فى حياتنا
الجواز ده مش مجرد اتنين كدة بيعملوا فرح وهو يلبس بدلة وهى تلبس فستان
لالالالالالالالالالالالا الجواز ده حياة
حياة ممكن توصل للجنة وممكن توصل للنار
علشان كدة لازم الاختيار يكون على أساس متين
لازم يكون مبنى على قواعد سليمة
مش عايزين نبنى بيت فى يوم ويتهد اليوم التانى
لا عايزين البيت يفضل ثابت قوى
عايزينه بيت طاهر نقى
بيت قائم على حب ربنا وطاعته
عايزين الجنة تكون فى بيوتنا فى الدنيا
وفى الآخرة البيت ده هو اللى هيكون فى الجنة
طيب تيجوا نسمع كدة رسولنا بيقولنا نختار ازاى
ركزوا يا شباب بعد اذنكم
(تنكح المرأة لأربع: لمالها ولجمالها ولحسبها ولدينها فاظفر بذات الدين تربت يداك )
وبيقولك كمان
(الدنيا متاع وخير متاعها الزوجة الصالحة )
عارف ليه قالك اظفر بذات الدين يعنى تمسك فيها اوى
لانه هو الحاجة الوحيدة من الاربعة اللى هتفضل ثابتة
لكن ده مش معناه انك ما تفكرش فى الجميلة او اللى عندها مال ونسب
لكن المهم مع دول الدين والأخلاق
لكن من غير دين وأخلاق شوية وهيضيعوا
حاجة هتفرح بيها كام سنة وهتضيع خلاص
لكن اخلاقها وتدينها صعب يتغيروا
اصل حبيبك عارف ان تدينها واخلاقها هيخلوها تصونك
هتحفظك فى غيابك وحضورك
هتربى اولادك تربية ترضى ربك
مش هتخاف على نفسك معاها
نيجى بقى للبنوتات
عارفة رسولك حبيبك نصحك بايه ؟؟؟؟؟؟؟؟؟؟؟؟
بيقولك (اذا جاءكم من ترضون دينه وخلقه فزوجوه ان لم تفعلوا تكن فتنة فى الارض وفساد كبير)
اصله بيحبك اوى
هو واثق ان اللى عنده اخلاق ودين هو اللى هيحافظ عليكى
هو اللى هيحميكى
هو اللى لوحبك هيكرمك ولو كرهك مش هيظلمك
هو اللى مش هيجرحك او يضرك
ها يا شباب
ها يا بنات
مصدقين حبيبكم ؟
اكيد مصدقين
طيب تيجوا كدة نسمع الكلام
تعبنا بقى من البيوت اللى تايهة وكل واحد فى ناحية
تعبنا من البيوت اللى مليانة دموع وجروح
نفسنا فى بيوت من غير آلام
بيوت عندها قناعة ورضا
بيوت مليانة دفء وحب
بيوت حية برضا ربنا عليها
عايزين ربنا يقولنا
(ادخلوا الجنة أنتم وأزواجكم تحبرون)
يا الله لما يكون البيت كله فى الجنة
مش واحد فى الجنة والتانى فى النار
اكيد ده هيتحقق ونوصل للبيوت دى ان شاء الله
بس نسمع كلام ربنا وكلام رسولنا ونبينا
مش نسيب حد يختار لنا كدة على اساس ضعيف
اساس يوقع البيت من قبل ما يتبنى
مش هنسمح لحد يختار لنا حياتنا
أويختار لنا طريقنا
أو يختار لنا نهايتنا
مش هسمع لكلام حد غير لربى ورسولى
رزقنى الله واياكم بأزواج صالحين تائبين عابدين لله قانتين
******
فريق العفه
منقول من صفحتنا على الفيس بوك
انا هكون يوسف وانتى هتكونى مريم ومش هنحب الا ازواجنا
