يا حبيبي ودي لو تعرف غلاك
ودي تشوف القلب وشلون يغليك
ودي اكون بدنيتك دوم وياك
ودي عيوني من تفتح تلاقيك
انا احبك وهذا قلبي تمناك
انته كلي كلي وشلون ما ابيك
قلي حبيبي قلي وشلون ابنساك
دامك ملكت القلب وشلون اخليك
قرب حبيبي وطل على القلب وحياك
شوف الغلا والحب واشواق طاريك
ارحم خفوقي الي تبيك وتمناك
لو ضاق في كوني ادور معاليك
ودي احس بلذه الحب وياك
احب انا امسك ولمسه اياديك
ما بعيش الي بقالي بلياك
يا دنيتي كذاب لو قلت ما ابيك
عيني تشوف الزين في الناس شرواك
ما يرده دلع والحسن يحليك
خايف عيون الناس تحسد مزاياك
ودي احطك بين صدرك واخبيك
كلمه احبك واقفه في شفاياك
ليه التغلي يا بعد روح مغليك
قلها وريح قلبي يحبك ويهواك
لا غاب حسك صاح نبضه يناديك