إن كنت نازل الميدان
---------
أول كلام أرنبه فى الرد ع القاضى
أنا من زمان بمتلك النهر والوادى
أول جدار اتبنى من عظم أجدادى
وزرعنا أول سنابل وحصدت لولادى
وصنعت أحلى عسل وندرته لأحفادى
من ضلعى طلع الشجر صار ضله للغادى
----------
ورضيت بصهد البرارى عشمانه ياساده
بكره العيال يكبروا ويقولوا ولاده
بكره اللى خلق الغلابه يجعلنى م الساده
أتهنى بعد الشقا وأنعس على وِسَاده
إن صابنى يوم المرض ألقانى فى عياده
وإن ضهرى يوم انحنى ومشيت هنا داده
ألقى عيالى هنا شايلينى وزياده
------
وعاهدت رب الخلايق معملش يوم عيبه
أفرش تراب سكتى وأنعس على طوبه
وأفتح مدارس لهم للحب والطيبه
لاحاربت يوم الجيران ولا كنت معطوبه
ضحيت لأنى أمهم ومقلتش التوبه
ممشتش سكة غلط ولا رحت لمصيبه
-----------
ولما كبروا العيال م الصبح أبخرهم
وأقرأ فى سورة الفلق وأحرس بيبان دارهم
وإن طلعوا يوم البلد أسبق وآخرهم
وفى يوم سمعت البلد بيقولوا طياره
نازله فى وسط الميدان بتنادى فى الحاره
أصغر ولادى بقى ريس لعباره
بيعدى بيها المحيط بشعب اختاره
--------
وفى يوم لقيت الرئيس شابك فى صناره
رمياها بنت الحلال فى السكة بمهاره
دخل برجله الشبك وساب بنات جاره
وخلع عبايه البلد وراح ورا فاره
---------
دخل وراها الجحور عامل ليها بطولات
ولدت له أول ولد ماشى ورا الستات
والثانى عامل دكر فى لجنة السياسات
بالرشوة والبلطجة والحزب والقيادات
زور إرادة البلد بالقوة فى انتخابات
علشان وريث الهنا ضحى بروح ألوفات
ياريت ماجانا الولد كان ابتلاه ببنات
أيه اللى عمل لنا ماكل يوم فحوصات
الكبد صابه المرض م الرش بالمبيدات
والمانجو طعم الخيار والموز ده له حَلَمَات
خلى شباب البلد شكله ولا الخواجات
ماشى ولابس مايوه وبصدره سنتيانات
واللحمه طعم السمك والطعم كله شياط
وعشان كده ثورته وديته ع الجنايات
-----------
إن كنت نازل الميدان خلى الميدان بيتك
ربى العيال قل لهم دى مصر دى غيطك
ازرع زهور الأمل دى الدنيا عَدِّيْتَك
واحذر لخيبة الأمل لتعدى من حيطك
واصبر على ثورتك من قبل ياريتك
------
خليك ضمير البلد حافظ على وعودك
إياك تكسر بُنَى ماتدوس على ورودك
وافخر بإنك هرم والثورة بوجودك
علشان نقول للتاريخ يعرفوا جدودك
وارفع إيديك للسما واشكر لمعبودك
----------
---------
أول كلام أرنبه فى الرد ع القاضى
أنا من زمان بمتلك النهر والوادى
أول جدار اتبنى من عظم أجدادى
وزرعنا أول سنابل وحصدت لولادى
وصنعت أحلى عسل وندرته لأحفادى
من ضلعى طلع الشجر صار ضله للغادى
----------
ورضيت بصهد البرارى عشمانه ياساده
بكره العيال يكبروا ويقولوا ولاده
بكره اللى خلق الغلابه يجعلنى م الساده
أتهنى بعد الشقا وأنعس على وِسَاده
إن صابنى يوم المرض ألقانى فى عياده
وإن ضهرى يوم انحنى ومشيت هنا داده
ألقى عيالى هنا شايلينى وزياده
------
وعاهدت رب الخلايق معملش يوم عيبه
أفرش تراب سكتى وأنعس على طوبه
وأفتح مدارس لهم للحب والطيبه
لاحاربت يوم الجيران ولا كنت معطوبه
ضحيت لأنى أمهم ومقلتش التوبه
ممشتش سكة غلط ولا رحت لمصيبه
-----------
ولما كبروا العيال م الصبح أبخرهم
وأقرأ فى سورة الفلق وأحرس بيبان دارهم
وإن طلعوا يوم البلد أسبق وآخرهم
وفى يوم سمعت البلد بيقولوا طياره
نازله فى وسط الميدان بتنادى فى الحاره
أصغر ولادى بقى ريس لعباره
بيعدى بيها المحيط بشعب اختاره
--------
وفى يوم لقيت الرئيس شابك فى صناره
رمياها بنت الحلال فى السكة بمهاره
دخل برجله الشبك وساب بنات جاره
وخلع عبايه البلد وراح ورا فاره
---------
دخل وراها الجحور عامل ليها بطولات
ولدت له أول ولد ماشى ورا الستات
والثانى عامل دكر فى لجنة السياسات
بالرشوة والبلطجة والحزب والقيادات
زور إرادة البلد بالقوة فى انتخابات
علشان وريث الهنا ضحى بروح ألوفات
ياريت ماجانا الولد كان ابتلاه ببنات
أيه اللى عمل لنا ماكل يوم فحوصات
الكبد صابه المرض م الرش بالمبيدات
والمانجو طعم الخيار والموز ده له حَلَمَات
خلى شباب البلد شكله ولا الخواجات
ماشى ولابس مايوه وبصدره سنتيانات
واللحمه طعم السمك والطعم كله شياط
وعشان كده ثورته وديته ع الجنايات
-----------
إن كنت نازل الميدان خلى الميدان بيتك
ربى العيال قل لهم دى مصر دى غيطك
ازرع زهور الأمل دى الدنيا عَدِّيْتَك
واحذر لخيبة الأمل لتعدى من حيطك
واصبر على ثورتك من قبل ياريتك
------
خليك ضمير البلد حافظ على وعودك
إياك تكسر بُنَى ماتدوس على ورودك
وافخر بإنك هرم والثورة بوجودك
علشان نقول للتاريخ يعرفوا جدودك
وارفع إيديك للسما واشكر لمعبودك
----------
